ملتقى قبيلة حرب الرسمي - قصيرة طويلة لأحشى الزين مر بوعي

أنا البارحة مانمت نومي على كوعي =ليا نمت ساعة باقي الليل سهراني
غداء الكون في عيني تقل غار جربوعي=مع الناس في جسمي وفكري ورى أم عاني
أجامل واسولف والبلا من ورى أ ضلوعي =ماودي عليه يفرح فلان وفلاني
اباحيل ياجايز لكم كل موضوعي =بعد قلت الحيلات ياذيب سرحاني
عسانا نحصل عندكم حل وسنوعي =تعبانا ونبغا فزعتك يابو ركاني
زرعنا وغيري من حصد ناتج ازروعي = بعد ماثمر البستان خوخ ٍ ورماني
كلامي يابو راكان ماصار مسموعي =ليا قلت كلمه قالوا الناس غلطاني
ياشين الجفا والصد ياخيرت أربوعي =من اللي بعد حبه وصله تناساني
غدا أصعب بعشر امرارمن حبة الكوعي =وقف دون وصله كل مسلم ونصراني
اجمع جموعي مدري افرق أجموعي=اعرف النتيجة بأخر الماد خسراني
شربنا من الفرقى ثلاثين قرطوعي=لما الدم في قلبي توقف وشرياني
عليها ومنها يافتى تذرف أدموعي=هاذيك العنود اللي بها الزين رباني
قصيرة طويلة لأحشى الزين مر بوعي=نحيلة خصر والعود ناعم ورياني
غلاها بقلبي له زمانين مطبوعي=وغلانا بقلبه من مسح ياكحيلاني
يقولون طرد المقفيه ماله سنوعي=وأنا اللي ورآها صرت ريض وعجلاني
بعد دقة الجوال فزيت مفجوعي= صحينا ولا حصلت لدرس عنواني
حلومٍ تراودني لها أيام وأسبوعي=بها مفسر الأحلام يالعرم مفتاني
تقبل تحياتي وشرحي ومرفوعي=رفعنا القضية يمكم يأهل الشاني
تقولون لي صاحي تقولون مصدوعي =هذا ماحصل ياصاحبي سر وعلاني