قم يانديبي علـى جمـسٍ بتمرينـه=ماهو من اللي مريضٍ جسم سايقهـا
ليادق سلفه وغنـت لـك شكامينـه=روحك على مركبه ينعـش تشوقهـا
يطرب على ثالثه من نقـرة أثنينـه=يوصف على نجمتن يخلـع تشعقهـا
أو مثل شيهانتـن ضفـت جناحينـه=تبي وطن بيضهـا والليـل مغرقهـا
اليا خـذا الكوربـه تكـت موازينـه=كنه علـى ماذكرنـا فـي تخفقهـا
وقت المغيرب به المـرواح يازينـه=تركد به الروح عن كثـرة تصفقهـا
متنحر لـي عشيـرٍ بينـي وبينـه=الجادل اللي معـه روحـي معلقهـا
يهتز عرش الضماير من سهم عينـه=له غرتن يسحـر العشـاق مفرقهـا
مثل اللواميع تبـدي مـن رمامينـه=من مزنتن بالدجا يغريقـك بارقهـا
أبا أتعب الجمس واشرح خاطر الزينه=تفـرح لياشافتـه عقـب تشفقهـا