الله يوم اذكر لياليه يا ناس=يوم اذكر الضحكه وباقي جماله
وإلا العيون اللي بها رمش حساس=إليا إرمشت ضاعت حياتي قباله
وإلا السوالف تنثر الزين في كاس=تهديني الكلمه واعيش الثماله
والليل في حضوره تغطيه الانفاس=مابين ضوح النور زاد إشتعاله
درب الزعل خالي على سوره الياس=مكتوب فوق السور درب إستحاله
واليوم طاح السور ما عاد به ساس=درب الزعل خطه وماشي عجاله
لا وين هذا الحال والقلب محتاس=وش هي نهاية قصتي في دلاله
لا قال اريده قلت آمر على الراس=كل ما تريده حاضرٍ يا جلاله
اعطيه لو هو كان نفسه بالالماس=واقول راح العمر وانتا بداله
ما كنت اصدق ضربت الزين بالفاس=ينهي حياة القلب ويقطع حباله
يسمع كلام اللي حياته في كراس=قلبه مع الدنيا وناسي خصاله
مع كل هذا ارفض الياس والياس=ودي يعود الزين واللي مضاله
لو كان يرجع حوله اليوم حراس=والكون كل اللي يبي في حلاله
يفداه عمري كل ماهب نسناس=وكثر السحاب اللي يجيني هماله
وكثر الليالي عِدها كثر الاجناس=والله لا ارخص دنيتي في وصاله
مهما يزود الجرح لا باس لا باس=اللمس يشفي الجرح مهما دماله
والقلب من شوفه تباريه الاجراس=دقات تحكي لوعة اللي جراله