المحبه والمعزه نخلة في جنب ساقي = وإن قطعت الساقي أنته كيف تجني من رطبها
والمواصل بيننا مثل الفلوس اللي تساقي = ولو تضعف عملة الرجال يتعب ما قضبها
وما يضر الناس تالي الوقت ياغير النفاقي = والمنافق كم رجل مقفيه قطع عصبها
آه من هم غزاني مثل صدام العراقي = يوم يغزي دولة والمشكله غامض سببها
والرجال تقودها لحاها ليا حان التلاقي = وكل لحيه عزها معروف من عزة شنبها

المشاركة الأصلية كتبت بواسطة سليم الجابري (المشاركة 537472) المحبه والمعزه نخلة في جنب ساقي = وإن قطعت الساقي أنته كيف تجني من رطبها والمواصل بيننا مثل الفلوس اللي تساقي = ولو تضعف عملة الرجال تتعب ما قضبها وما يضر الناس تالي الوقت ياغير النفاقي = والمنافق كم رجل مقفيه قطع عصبها آه من هم غزاني مثل صدام العراقي = يوم يغزي دولة والمشكله غامض سببها والرجال تقودها لحاها ليا حان التلاقي = وكل لحيه عزها معروف من عزة شنبها أخوكم الشاعر : سليم الجابري

الصداقه والأخوه تجتمع في رجل راقي = ثم ثالثها الصحيح اللي معاها في نسبها
من حملها دوم ذكره ينتشر بين الطراقي=والعلوم الطيبه يسعد بها رجلٍ كسبها
ومن فعل فالناس فعلٍ لو نسى يلقاه باقي=كل سيئاته وحسناته معه ملكٍ كتبها
واغتنم دنياك واسعد لايهمك ما تلاقي =والفرج للصابرين يقال من عالي رتبها
من يجيب الطيبه خذها وله منك تساقي= ومن يجيك بسيئةٍ دعها لمن يمك جلبها