يالله ياللي تعلم الجهر والغيب=ياواحد وحدك عليك إعتمادي
إنك لتبعد نا عن الشك والريب=وتكتب لنا رأي صواب سدادي
وسر ياقلم وأكتب كلامي بترتيب=لاتكتب إلا بالحروف الجدادي
من فكر شاعر يبدع القاف ويصيب=علمه صحيح ولا يجيه إنتقادي
مافي كلامه عيب وإلا عذاريب=ماينطق إلا بالكلام الوكادي
يجوز لي يوم أمتدح كاسب الطيب=شيخاً مجدد للقيم والمبادي
عبيد راع الطيب رجل المواجيب=ماهابها في حر وإلا برادي
يسبق عن العلياء ويبعد عن العيب=من دونها ما غط عينه رقادي
بالعلم والأخلاق عدا المراقيب=وأصبح على القمة وفوق الشدادي
والنعم بالبيضان ربعاُ مذاريب=عز الصديق وضد كل الأعادي
كسابة الطاله طوال الأشانيب=ياطيبهم من حضر وإلإ بوادي
ويالله تحقق لي جميع المطاليب=وتزيل عنا الهم ياخير هادي
تزيل همٍ مثل جمر المشاهيب=أسهر عيوني وأستقر بفوادي
وختامها مني صلاةً بتأديب=صلاه أختمها بوردٍ وكادي
على محمد خيرة الخلق تهذيب=اللي بعثه الله داعي وهادي