سلام ردة والسلام إليا بدا ننصاك به=عداد من يقرى الكتاب اللي سعابه كاتبه
نبغى العلوم تساق والمطلب ينوله طالبه=نمشي على قن الرجال اللي لهم منهج رفيع
والثانية درب الوفا كلا يرى ممشاك به=ياراعي الميقاف لاإحتاج الصحيب لصاحبه
واليوم جينا للفرح كلا يكمل واجبه=نوفي مع الوافي وراعي الطيب حقه مايضيع

يامرحبا في مرحبا بالطيب واللي جالبه=الصاحب اللي لاكتب دايم حروفه صايبه
جيتو لجل مد الوفا وأهل الوجيبة حاضبه=الله يحييكم على التكميل من صدر وسيع
ياللي وردت المارد اللي صافيا مشاربه=أهل الوفا وقت اللزم كلا يفتل شاربه
والوافية مقدارها عالي وماهي سايبه=وإنت وفي تعرف مسار الدرب في الخط السريع