|
( عنود المدينه )
تكفين ياأم الخد والعين والجيد=تكفين بعض الجسم لاتضهرينه ماعاد لي قدره بكثر التناهيد=والصبر عندي باللقاء تعرفينه جيتك على الموعد بعد ليلة العيد=والشوق يدفعني عى راحتينه حبك هو اللي جابني لوني بعيد=وسريت ليلي والوعد خابرينه وشفت العيون اللي قليله مع الغيد=في وسعها مع سلهمتها الحزينه وزانت سوالفنا وفي بعضها نعيد=من خوف مانغرق بوسط السفينه وقلت اوعديني وفرحت بالمواعيد=وقلت ارحميني ياعنود المدينه خدك ذبحني والشفايف مواريد=وجديلك اللي في يدك تمسكينه اقول لك تكفين يابنت واعيد=لكن كلامي ليش ماتسمعينه ماأبغى تزل أقدامنا والمقاصيد=وحب الشرف دربٍ لنا سالكينه وانا ادري أن الحب في قلبك يزيد=ومن زود شوقك شوفنا ترغبينه لكن تراني مارضيت المناقيد=ولمشي بدرب الا تخير يمينه ولاني مضريها على قلة الفيد=وانا من اللي يكسبون الثمينه حربٍ هل العادات روس الصناديد=قومٍ لهم فوق المعالي مدينه هذا الصحيح وغيرها ويش ابازيد=الا جميع الجسم لاتضهرينه |
صحـ// لساانكـ//
وبيض الله وجهكـ// ابدي اعجابي بالقصيده وخصوصا لما قلتـ// ماأبغى تزل أقدامنـا والمقاصيـد .......................................وحب الشرف قصدٍ لنا سالكينـه وتقبل مروري اخوك عليـ العبيديـ// |
الاخ علي العبيدي
صح بدنك واشكرك على مرورك المشرف ولك فائق احترامي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الاخ العزيز الحب الباقي
صح بدنك ومشكور على كلامك الجميل وتقبل تحياتي وتقديري |
حمدي العوفي صح لسانك
|
صح لساااانك وبيض الله وجهك
ويعطيكــ االعاافيه ولاهنت تحياااتي |
الاخ خالد اللهيبي صح بدنك
ومشكور على مرورك وتقبل تحياتي |
الاخ الغالي عبدالعزيز
صح بدنك والله لايهينك ولك مني الشكر والتقدير |
صح لسانك
.. .. أسجل اعجابي بالقصيدة .. ويعطيك العافيه .. |
الساعة الآن 10:35 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir