السينات=
سـلام نابـع مـن الخـاطـر=لـلـي بـكـل الـغـلا نغـلـيـه
حسب القوانيـن والسايـر=باخذ معك فالمثل واعطيه
فواز الزويهري=
ترحيب منا لكم وافر =وراع الصفا بالوفا نرويه
لوكان حرف المثل نافر =أطوعه لجلكم وارعيه
السينات=
ما دام لحـن الصفـا دايـر=ما بيننا والعـرب توحيـه
نبغـى المثـل بيننـا عامـر=لجلي من الأمس متحريه
فواز الزويهري=
ياطير فوق السما طاير =الطيب دايم لكم نشريه
وللان حرف المثل حاير =والي في قلبك علينا ابديه
السينات=
ثلثين عمري وانا صابـر=في حسرتي وابتلائي فيه
الليل يمضي وانـا ساهـر=كل يوم في خلوتي ابكيه
فواز الزويهري=
وا دمعي اللي كما الماطر=من حالك اللي لنا تشكيه
اكشف لهم حالك العاثـر=لعل حلو الثمـر تجنيـه
السينات=
قلبي عشق حسنه الباهر=يحـن لمـا يـجـي طـاريـه
بس الزمن فالحكم جايـر=ما يرجع مكاشفه ماضيه
فواز الزويهري=
لا يغرك بحسنه الظاهر=ما دام قلبك نوى يشقيه
ما دام قلبه لكم ناكر= لا عاد جني النحل تسقيه
السينات=
ما انت على نهجنا مسايـر=ضاع المثل في بحور التيه
وجدي على مجدهـا الغابـر=واطلالـهـا شـاهـدة تنـعـيـه
فواز الزويهري=
الحكم فـوري لكـم حاضـر=في مقتضى الحرف وما يحويه
مانخالـف النـص يالناشـر=واللي مضالك خلاص اطويـه
لا تشكـي الوقـت وتجاكـر=الوقـت بفعالـنـا نكسـيـه
والآن حـرف المثـل ظافـر=وأنظـر بعينـك لمـا يتليـه

أشكر الجميع على المرور المشرف

وصحت أبدانكم والله يحفظكم

ولكم خالص التقدير