السلام عليكم ورحمة الله وبركاته
قصيدة جديدة وليدة ساعات ارجو ان تنال استحسانكم

باكر الشمس تشرق والبـلاد تبـان=ماتدوم الحقيقـه خلـف حاجبهـا
مير عوّد لرشْدك وإخزي الشيطات=رجّـع الحـق لهله لاتخرّبهـا
إنْتبه من مواجه ثورة البركان=دوم تصْهر حممه اللي يقرّبها
دامني عنْك لاجم شرّ علم حصـان=لا تحدّه يغيـر إن كنـت حاسبهـا
أنْت تذْكر مآسـي جـرْأة اليابـان=يوم عيّـت تنـازل عـن مآربهـا
حمّلتهـا هـوان و ذلْ حتـى الآن=ماتجـرّأ تواجـه مـن يطالبـهـا
كادت البنت توأد تحت كلمة كـااان=لو مكابر أصـرّت فـي مطالبهـا
أنت عارف وش أقصد أيّها الإنسان=ماخفتـك الرمـاح ولا مضاربهـا
كلْ من هو عليهـا يالمعنّـاا فـان=فانيـه ميـر نفسـك لا تتعّبـهـا
طيعني لا تهوّر وإخزي الشيطـان=لا تطيعـه وتـنـدم لا تخرّبـهـا