ظلم عليه النور والطرف مقهور = وازريت ما اشوف البصيرة مع الليل
ولياه زولك بادين كنه النور = واقي على المشراف وإنك ( ....... )
فزيت ارحب من ضميري ومسرور = وآفرحتي كن المطر واول السيل
للي فعوله ساقت القاف مجبور = سوق الدلال اللي تبهر من الهيل
عايش ما بين اللي شياهين وصقور = احدن محل الجدي واحدن على سهيل
راع الوفا والطيب بالطيب مخبور = دايم على العدله ومايعرف الميل
مايلتفت يم العصافير والفور = لوكان حالت صكت الوقت بالحيل
لا ,, ياكلوم القيل من دون ديكور = هذي حقيقه شفتها فالرجاجيل
واناماعرف الكذب ماعرف للزور = الصدق من طبعي ويشهد لي الجيل
وختامها صلوا على اللي له إنزور = محمد شفيع الناس يوم المحاصيل