زوماله السلمان وردها من الحروب
 

هذه الزومالة من السلمان في زواج / منير بن سعد الثوري الحربي يوم

الثلاثاء 17 / 5 / 1427 هـ والرد من الحروب


************************



سلام ردية وفا منّا كما ضو النــــــــــهارا

ردية مضمونها تضفي على حرب الثوارا

جينا نكمل فالوجوب وزندنا يشتب نــــــارا

حنا سليم ويشهد التاريخ بالعلم الحقيق


يا حرب ياللي من شمال إليا الجنوب إلكم مدارا

لكم ثقل فالمملكة مثبوت من شيخة وامــــــــارا

جبال صبح تحدكم معروف عن منـــــــور وزارا

وأيضا لكم في نجد ناس يحدهم واد المضيق


والثالثة وقتٍ مضى والنار تالع من شـــــــرارا

كل الرجال مكرّمه ولهم معزّة وإعتبـــــــــــــارا

واليوم جانا وقت ضيّع حلوها زود المـــــــرارا

خلاني أفكّر واميّز فالعدو قبل الصديق


وأسالكم عن خمس داخل بيتها دايم تبارا

فخر ومعزّه للرجال اللي تحب الافتخــــارا

تزيل همّ رجال وتسر العيون اللي سهـــارا

ورجّالها مع بنت مزيونه ويعشقها العشيق
********************
الرد من قبيلة حرب


يامرحبا ترحيبةٍ بضيوفنا منّا جــــــــــــــــهارا

يا صحابنا اللي شرّفوا من ذي بنيّه والخضارا

حنا نعرف سليم أهل سايه وأهل وادي ســتارا

ترى قبايل حرب أهل ميقاف وترد الوسيق


حنّا نعرف حدودنا ياللي تحدد فالديـــــــــــــارا

من دونها فرك الخشوم ودونها قصف العمارا

وشهودها تاريخها مثبت وصادر له قـــــــرارا

من سابق الأيام لا ذالحين فالحبل الوثيق


الاولات بفالها والحر تكفيه الأشـــــــــــارا

يارحامنا ياللي تعرفون اليمين من اليسارا

كلٍّ على ميراث جده ماش كيف بلا بهـــــارا

لا تفتكر حنا الحروب اللي نيبّس كل ريق


حنا عرفناها تسر القوم لا راحت تهــــــــــارا

مشط أم خمس اللي ترد القوم وتضد النصارا

لكن ما يزهالها غير الرياجيل الظفــــــــــــارا

واللي ورقها خمس هذا الحل ما غيره لحيق

بيض الله وجك عالزوماله

الله يطيك العافية
وصح لسانهم

زومالة قوية

ورد وافي خلص في بيوتها وزاد عليه

بيض الله وجه من رد ومن نقل لنا الزومالة

أبو حجيج