سلام تسليم الرضى من هاجس بالطيب جاشي=من لابة تاريخها معروف مايقبل نقاشي
تنصى عوانينا على سبل الوفا والمد كاشي=مد الصداقه ما يقدر بالذهب ياهل النجيبه
والثانيه ويش فكركم في سوق ماهو تو ناشي=ياكم ربح فيه الذي فالفقر طول العمر عاشي
فيه الربا حلال تحليل القراح من الرشاشي=هذا عجب والسوق مابه شك ولاب السوق ريبه
والثاله الدنيا حقيره مثل جنحان الفراشي=والجار ننظرله بعين صافيه والقلب شاشي
ساس الصداقه بيننا ثابت ولا نبني الهشاشي=وحنا لفينا ياعوانينا على وزعه وطيبه

يامرحبا ترحيبة الصدقان مافيها غشاشي =ياهل الوفا ياللي منازلكم رفيعه ماتناشي
ترحيب نو دن رعده واستهل من المناشي =نقولها ونطولها وقت الحضور و فالمغيبه
والثانية ياللي تقول السوق هذا السوق ماشي=سوق مع على الله ماتسلم عملته مرشي وراشي
ماهو بسوق البورصه فيها القيادي والخشاشي =فيها الريال يجيب سبع اميه وغيره مايجيبه
الثالته دنيا البشر فيها لهم زاد ومعاشي=مدبره رب الملا والطيبه ما هي بلاشي
نبني بيوت العز فوق الصخر ما نبني العشاشي=وانتم لفيتوا والعلوم الطيبه ماهي غريبه

بيض الله وجهك

ياحبي لقبايل حرب

والسلوم الطيبة

المشاركة الأصلية كتبت بواسطة جريح الفرقا (المشاركة 405327) فواز الزويهري ابداع ماشالله صح السانك والسان الشاعرخلف الحساني بيض الله وجيهكم مفيتم وفيتم ولايستغرب الطيب بين الرجال مثلكم وشرواكم لاهنت الله يعطيك العافيه

المشاركة الأصلية كتبت بواسطة ابن السفر (المشاركة 405709) بيض الله وجهك يافواز على الزوماله

المشاركة الأصلية كتبت بواسطة مساعد المويعزي (المشاركة 409174) بيض الله وجهك ياحبي لقبايل حرب والسلوم الطيبة