الا يالحمام اللي صفقت الهبـوب وحمـت=تصبّـح علـى داري وتمـسـي بعمـانـي
لياضاق صدرك طـرت لرضـاه ماخيّمـت=علـى ماتبـي مـاردك فـلان وفـلانـي
هنيّك وانا لاطحت طيحـة هـوى ماقمـت=ماغير اصفـق الإيديـن واجـر الألحانـي
عليك انت ياللي جيت بالـدرب/ ماسلمـت=تراي اتبع .( محمد ). ولانـي بنصرانـي
انا لو كفـرت بغيتـك بالوصـال اسلمـت=مهي سالفـه بإنـك [ تمـر وتعدانـي ] !
تغـلا علـي ولاحـداك الزمـان وشمـت=وانا اللي لك ابقـى لـو زمانـي تحدانـي
مقصـر بحبـي لـك وبَلومـك ولا لمـت=اخاف إني اكسر خاطـرك واعقـد لسانـي
شريتك ولابعتـك بسـوق الغـرام وسمـت=وجتك المشاعـر والأحاسيـس مجانـي !
جرفني هواك وجيت كلـي معـاه وعمـت=ولا صار لي ماصـار مـع واحـدٍٍ ثانـي
ماهو عيـب ولا ذنـب ولا خطـا لاهمـت=ياكم شيـخ ديـن وقـوم/ هايـم وغرقانـي
عليـك الله وستـره وآمانـه ليـا سلهمـت=وعلي الله وعفوه علـى ضعـف الإيمانـي
رموشك على [ بدع القصايد ] تثير الصمت=وعيونك لهـا المنّـه علـى بـدع قيفانـي
تقول:- الغلا كيفه؟ وانا اقول:- لو قيّمـت=محبتـك بإخوانـي تـرديـت بإخـوانـي
وتقول:- إن حداني وقتي وللسفر عزمـت=وش الحل؟ واقول:- إني اعيـش وحدانـي
وتقول:- إن تضايق خاطري من زماني نمت=وانا اقول:- مثلك مير ما انـام سهرانـي !
تبيـن المعـزّه بالوصـل لـوّ ماعلـمـت=وتبيـن [ المحبـه , والمـوده ] بالأعيانـي
عسى الله يرضالي عليك/ وكرمت ودمـت=وتقبـل تحياتـي وشكـري وعرفـانـي !!