تراء الذيب لامنه سمع قنبة الذيبي=تحرك شجون الذيب ويجاوب الثاني
تزين المحطه في رجال المواجيبي =رجال المراجل ونخزاء كل شيطاني
فتخان الايادي مكملين الملاطيبي=خفاف النفوس مدلهة كل ولهاني
رفعنا الطويل المعتلى بالمراقيبي=على اربع جهاته ضابطينه بالارساني
للاصحاب ياطيبه سوات المناديبي=ثمان وثلاث الفاصله صنع ياباني
سقا الله زمان(ن) يوم سيد الرعابيبي=على العد مع ورد(ن) البير وفاني
مع نجع بدو(ن) جامعتها المشاريبي=على جال جو(ن) تجتمع فيه نجعاني
انا لاذكرت اللي عن الناس يدويبي=اضيع بلغز(ن) لي عطيته كحيلاني
عيون اشقر(ن) فالجول عطب المضاريبي= وحش فارسي وهداه راعيه سلطاني
وخد(ن) تكاشف مثل نور الكهاريبي=ليا ولعوها فالمدينه مسياني
كساه اشقر (ن) ياصل حدود العراقيبي=غذاه الشمطري خالطه ريح ريحاني
ولاشفت به ياغير هاك العذيريبي=نهوده كما طاع الزبيدي بريضاني
صدوق المشاعر مايعرف ال ألاعيبي=ابا ابكي زمان(ن) راح ياخدر الاعياني
نقي(ن) بدورٍ ماتجيه الشواذيبي=عليه اتوجد ثم اكوسر فالالحاني
انا لاذكرته هاجس الود يسريبي=على وصف من جابن مطالب سليماني
على شانهم عديت روس المراقيبي=ولا طعت شور اللي عن الرجم ينهاني
زمان(ن) مضى مالاح في عارضي شيبي=قبل يالشمالي ابيض الشيب يغزاني
كبرنا وتبنا ثم رمينا المشاعيبي=ولا نطري المطراش مع كل ديقاني
وابا اطلب رحيم(ن) يعلم السر والغيبي=لدرب الهدا رب المخاليق يهداني
على المصطفى صلو عزيز الاصاحيبي=رعى حوض من يرده فلا هو بعطشاني
عدد مالمع نجم(ن) للعيان ويغيبي=وعدد من سعاء واطاف في هاك الاركاني

المشاركة الأصلية كتبت بواسطة جريح الفرقا (المشاركة 345332) مضحي جمران قديمك جديد الله يعطيك طولة العمر بيض الله وجهك وصح السانك قصيده لايمل من ترديدها اشكرك جزيل الشكر الله يعطيك العافيه قصيده اخذت حقها من الجزاله تقبل مروري

المشاركة الأصلية كتبت بواسطة حميدان العوفي (المشاركة 345333) مضحي بن جمران صح لسانك و بيض الله وجهكـ على جهودكـ

المشاركة الأصلية كتبت بواسطة علي هليل الحربي (المشاركة 345337) صح لسانك وبيض الله وجهك رائعه تحيتي وتقديري لك

المشاركة الأصلية كتبت بواسطة بندر الزغيبي (المشاركة 345376) مضحي بن جمران صح لسانك واعتلا شانك ... قصيدة رائعة كروعة مضحي بن جمران لك خالص التحايـا ،،، أخوك/ بندر الزارع الزغيبي