|
و ما كني واحد من أخوانك !!!!!!!!!!
سلااااااااااااام يا اصحاااااااااااااابنا
عتاب خفيف و بسيط اخو لأخوه .....الى ( وهج المشاعر ) و وهج صاحب و عزيز و غالي و على قولتهم حسبة أخوان دعوته للملتقى .. فلبى الدعوة .. و جاء و أنا مدري عنه بالأمس القريب اكتشفت وجوده بيننا . و للمعلومية فقط وهج المشاعر .. هو ابن الشاعر مخضور بن يحيى بن عبيد المجنوني الذي سأعد ديوانه في ملتقى دواوين شعراء الكسرة
ياللي علينا حجبت النور = و أخفيت اسمك و عنوانك لجل أيش و انت ولد مخضور =و ما كني واحد من اخوانك! |
الله يستر عليك يابو غازي
الله يستر عليك يالذيب قمة قمة قمة وحيااااااك الله يابن العم والله نعتزيبك يالغالي وبيض الله وجهك يابو غازي |
اقتباس:
والله يابو عزة عتبك على العين والرأس واللي تامر به حاضر وأمام الجميع بالملتقى بس قبل لا تطلب شيء أسمعني واسألني ليه سويت كذا أنا والدي رحمه الله يعشق الكسرة وله صولات وجولات مع كبارها أمثال مفرج السيد وبنيه العروي على صفحات تضاريس و شموس ، وأنا لم أكن إلا قارئ أو مستمع أو مخربش فلما عرضت كسرات لي عليك دعوتني فلم أتردد ولكن ترددت في وضع اسمي الحقيقي خوفا من قولة (( النار ماتعقب إلا رماد )) أو يلحق والدي شتيمة بسببي لذلك أخفيت اسمي أما وهج فسرقته من برنامج وهج المشاعر الذي يقدمه الدكتور عبدالرحمن العشماوي ,,,,, الآن لك الحكم أو أي أعضاء المنتدى على ما فعلت معك وأنا أرضى بالحكم ولك عذراً
يا من كلامك هتك مستور=أعييتني بين خلانك مخضور شاعر وأنا مجبور= ماخفيت اسمي على شانك |
صح لسانك يا عبدالعزيز وعتابك رقيق كرقة قلبك الخضر
ووهج المشاعر أنا أشهد أن مخضور عقب صقور فالطيب والاخلاق والحرف والحبك والمعنى وحسن التعامل والله قلتها أن وهج المشاعر صاحب مدرسه والحمدلله على صحة رميتي وودي أستئذن ابو عزيز في قلبي كلمتين لوهج المشاعر
الحرف في داركم معمور = والطيب ضافي بميزانك مخضور عقب علينا صقور= يا صقر عالي في ميدانك |
اقتباس:
صح بدنك يا ماهر المتصفح لك طال عمرك قول اللي تبي ما يردك شئ و صح لسانك يالذيب |
اقتباس:
لا يابو خالد انت الطيب وما قصرت تسلم على الحدس وتسلم على ما قلت أخجلتني بكلامك أبو خالد مشكور على التفاعل والتواصل والروح الطيبة
الطيب أصله معك محشور=والقول وافي بأغصانك حرفك على صدرنا محفور=والكيف صافي بقيفانك |
أخي الكريم الغالي وهج المشاعر إليك يابن العم
لازال فيكم سراج النور =والكل شاهد على ألحانك بحار عايم بوسط بحور =والطيب مرسى لشطئانك |
اقتباس:
و الله يا ابو مخضور أبو خالد قالها كلمة و أعجبتني مخضور عقّب علينا صقور
وافي و لا جاني منك قصور = بالعكس عندي اعتلى شانك شاعر و لك في المعاني حضور =و كل ٍ تغنى مع اغصانك |
اقتباس:
و يستر عليك ربي يا فواز و تسلم طال عمرك ... و وجهك أبيض و المتصفح هنا للجميع |
أشكرك على تفاعلك
ولك
فواز آمر وأنا المأمور=والطيب غيمك وهتانك يعطيك ربي بنات الحور=ويكفيك شر من دانك |
الساعة الآن 07:35 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir