عبدالعزيز وبيان الصمت=
الجو بحري يبي له عاج=مع نسمة الليل نبدابه
نبغى معاكم لنا مدراج=ناخذ ونعطي على كتابه
فواز الزويهري و صقر المقرح =
من مزن وافي لكم هداج=حلو اللحن تسمع اعذابه
هيا ابتدي وارفع الأبراج=ونفتح سوا معكم ابوابه
عبدالعزيز وبيان الصمت=
لما تنكر نجم وهاج=واصبح له احباب تعنابه
فكر جميع البشر تحتاج=قامت به النفس تنحابه
فواز الزويهري و صقر المقرح =
غريب أمر النجم لا داج=في سير فلكه واعتابه
يستنكر الكل بالأفواج=ويش الذي حافه وصابه
عبدالعزيز وبيان الصمت=
اللي بصوت ( الأنا ) لجاج=يستلهم الناس إعجابه
خطه على محتواه سراج =عول على الصد يدرى به
فواز الزويهري و صقر المقرح =
اللي تصرف كما الحجاج=اليوم يامكثر انشابه
يبحث في ليله على إبلاج=نهجه يسارع على اعطابه
عبدالعزيز وبيان الصمت=
في حالته مايفيد علاج=هو الذي عجل اسبابه
نبغى نحافظ على المنهاج=لا يعكر العلم وآدابه
فواز الزويهري و صقر المقرح =
ياصاح فن الأدب محتاج=أديب فاهم وأدرى به
يترجم القول بالإنتاج=ومن لوث القيل يغدى به

ولكم خااالص التقدير

المشاركة الأصلية كتبت بواسطة لافي (المشاركة 314363) لعلي أول من يتشرف بالمرور ، الله يسعدكم وكم كنت أتمنى أن أكون ، بين هذه الكوكبة من النجوم ، ولحن جميل ينم عن أدب ووقار المتحاورين ، ولكن عزائي أن أكون معكم بالإحساس الصادق ، دمتم بود

المشاركة الأصلية كتبت بواسطة محمد سعد اليوبي (المشاركة 316337) لعلي أول من يتشرف بالمرور ، الله يسعدكم وكم كنت أتمنى أن أكون ، بين هذه الكوكبة من النجوم ، ولحن جميل ينم عن أدب ووقار المتحاورين ، ولكن عزائي أن أكون معكم بالإحساس الصادق ، دمتم بود