يستاهل العليا ولد نسـل الاحـرار=اللي لهم بالمجـد هامـه طويلـه
اللي إليا ذكروا مع الناس الاخيار=واللـي مواقفهـم تسطـر جليلـه
من بينهم حرٍ على الطيب مـدرار=عبدالله بن دليـم زبـن الثقيلـه
راعي وفاء ويعد من ضمن الابرار=وإليا إحتمى الموقف يساوي قبيله
خيره مثل هلتك يامزون الامطـار=سحاب خير وزايد ان بـه هميلـه
كلن شهد له من بعيدين الاقطـار=والخير يذكر بـه رجـالٍ اصيلـه
الطيب خاتم له على صك وإقـرار=والجود شاهد إله ومثبـت دليلـه
له صفحةٍ بالعز تشـرق الانـوار=فعله كتبهـا بالسطـور الطويلـه
حاز المعالي كلها بعزم وإصـرار=ورجله على درب المراجل عميلـه
لكل الجماعه فاتح القلـب والـدار=يشيـل حمـلٍ ياقطـن ماتشيلـه
يستاهل المدح المعطـر بالازهـار=ويستاهل اللي كـل يـوم يعنيلـه
ولاني مدور من وراء مدح الاخيار=إلا شهادة حـق لاهـل الجميلـه