يالله تنصر من يناصر هل الدين=يا الله تحفظنا وتحفظ وطنا
واحفظ لنا اللي يحتمون الحرمين=اللي لهم روس الدول يخضعنا
آل سعود مرجحين الموازين=قيادنا من يوم كانوا وكنا
كنا ولا زلنا على العسر واللين=العام أهالينا وهالحين حنا
غريزة بقلوبنا يا ميامين=واللي يخالف دربنا ماهو منا
في مذهب واحد و سلم وقوانين=وحكم على نهج الشريعه تينا
سيف العداله ماضين له براهين=أمنٍ و أمانٍ فيه كل تمنا
ورغد عليه من الشعوب أمحسودين=حسادنا بلكون منا ومنا
ومن اقرب الأحداث شوفوا فلسطين=كم له وشعبه من احروبه مجنا
شعب وطاه البطش والظلم والبين=هذا قتيل وذا صويبٍ يونا
وين العروبه وين ألأسلام لاوين=مافيه من لد النظر في جهنا
ياعالم الأسلام لخوانكم دين=والدين شرهاته تراها وطنا
يوسفك بالشارع دمي ألبريين=مابين قصار العرب والمسنا
ياناس شفتوا كيف ذبح المصلين=وسط الحرم سفك الدمي تقل حنا
وهدوا سلالم منبره و المواذين=شين نشوفه بالعيون يغبنا
رحنا ضحيه لليهود الصهايين=ماكن بطشات العدو يزعلنا
مدري يحسبنا على الوضع راضين=ولايبينا ناخذ الثار حنا
وحنا نرد الصاع للخصم صاعين=بالبشر ولا لا بغا الزين زنا
من لاهداه الله وخاض الميادين=القدس ماله فيه حقٍ مثنا
ولاحدن ملك تسليحنا عام الالفين=واللي عليهن بالمهارات فنا
تحت الاشاره للطلب مستعدين=محد على الكوره سلاحه شحنا
نمشي براي الله وراي الحكيمين=لا جا الجهاد وبا الكريم الستعنا
قتيلنا في جنة الخلد والعين=فوزن به المسلم تراه ايتمنا
خطو وسطو ه نصرها مثل حطين=نصرن به الخفاق رفرف وغنا
ما هي كفاح مسلحين الظلاعين=لاجا بهم منا تقفوه منا
رغم انهيار المجتمع عقب تشرين=والسيطره من يمهم ماجبنا
لاكن تحروا ظربةٍ عقب تقنين=يفرح بها شعبٍ حياته مجنا
لاثوع الدخان بين الصلاتين=يسمك عموده بالسما ويتثنا
قصف العماير مثل قصف البراكين=من شافها بآخر حياته زبنا
تظهر خفا قلب تظاهر بوجهين=وجهن يصافحنا والآخر مكنا
يهل نفاق مرقصين الشياطين=من ذاق منا لقمتن ماتهنا