سلام يا أهل الحفل وضيوف الحفل في مجتمعنا=تنصى الرجال اللي لهم هيبة وطول الوقت معنا
والدرب واضح قدمنا وحنا مع الطيب اتبعنا=يا الله عساها ليلةٍ حلوة وتقفاها ليال
حنا طلبنا ربنا المعبود نسمع له وطعنا=وان كان خالفنا الرسول المصطفى في الخط ضعنا
يا رب تهدينا على نهج الرسول اللي نفعنا=ينهى عن الرزق الحرام وحلل الرزق الحلال
والثالثة جانا خبر سري وحنا ما قنعنا=وان كان ثبتنا الخبر بالعلم والموضوع أذعنا
حنا ترانا مع سواير حرب نمشي ما طلعنا=وان كان صار العلم هذا ما احد فاتح له مجال

يا مرحبا حياكم الله حفلنا الطيب جمعنا=حنا طمعنا في الرجال وربنا حقق طمعنا
في قلوبنا يا ربعنا حنا لمحبتكم زرعنا=يا ربعنا يا اللي لنا مكسب كبير وراس مال
يا رب تقبل طلبة الطالب وللخالق خضعنا=نمشي على الدين الحنيف وللنبي حنا اتبعنا
منهاجنا سنة رسول الله وعنها ما رجعنا=صلوا على سيد البشر عداد همال الخيال
اللي على درب الخطا يا حرب ما هي من سنعنا=حنا قبايل حرب والأمجاد منها كم صنعنا
وليا ثبت علمن يجَزِّع ربعنا حنا جزعنا=هذا وكاد العلم من عند الثقات من الرجال