في ليلة الجمعه وفي ليلة السبت = في ليلتينٍ تالي اليال الاسبوع
لفا علينا غاليٍ فيه رحبت = رحبت به ترحيب مثني ومربوع
يامرحبابك ياهلا عقب ماغبت = خمس اسنوات وحبل ملفاك مقطوع
طال الغياب وفي غيابك تسببت = للارض قحط وللبهايم ضما وجوع
جانا الدهر من يوم عنا تغيبت = كم اجدبت بيرٍ وكم جف ينبوع
وكم يوم في راس الطويله ترقبت = اراقب اقدومك من اربوع لربوع
الشكر لله يوم بالديره آصبت = جعلك بعد ما اصبت بالخير متبوع
غيثٍ هنياً مرويٍ يحيي النبت = سقيا من الرحمن رحمه به انفوع
يقطع ضما الضميان ويربع الخبت = يفرح عباد الله والضر منزوع
يابرق يابرق الحيا يوم قربت = هلت عيون اللي تباشر بك ادموع
من يوم خلتك من هموم الشقا طبت = وانا من اول من غثا الوقت موجوع
جبت الغنايم معك في لفوتك جبت = مسيرٍ بامرالله اللي له الطوع
يالله تبعدنا عن الياس والكبت = ندعي ونطلب والدعاء حق مشروع
يالله سبحانك لك اسلمت وانبت = ترحمني بيومٍ به تحاسب اجموع
انا بشر ما احصي كم اخطيت واذنبت = الادمي ماينظمن نوبٍ يتوع
يالله تقبل توبتي بعد ماتبت = ياللي لعفوك تسجد اعبادك اخشوع

.
.
.
.

يالله سبحانك لـك اسلمـت وانبـت=ترحمني بيومٍ بـه تحاسـب اجمـوع
انا بشر ما احصي كم اخطيت واذنبت=الادمـي ماينظمـن نـوبٍ يـتـوع
يالله تقبـل توبتـي بـعـد ماتـبـت=ياللي لعفوك تسجد اعبادك اخشـوع

.
.
الشاعر/ تركي بن عبد العزيز الشيخ
دررٌ غير مستغربة منك يا ابو عبد العزيز .
صح لسانك و بارك الله فيك .... و جعله الله مطر خير و رحمه
و الله يرزق المسلمين من واسع فضله
و ياهلا بك بعد هالانقطاعة ... و لكن مقدرين ظروفك يا ابو عبد العزيز
وش اخبار البل عساها ربعت .... نبي نسير علاك إن شاء و نشوف البل و العشب

يالله تبعدنا عـن اليـاس والكبـت= ندعي ونطلب والدعاء حق مشـروع
يالله سبحانك لـك اسلمـت وانبـت= ترحمني بيومٍ به تحاسـب اجمـوع
انا بشر ما احصي كم اخطيت واذنبت= الادمـي ماينظمـن نـوبٍ يـتـوع
يالله تقبـل توبتـي بعـد ماتـبـت = ياللي لعفوك تسجد اعبادك اخشـوع