السلام عليكم ورحمة الله وبركاته
إنا لله وإنا إليه راجعون
إنا لله وإنا إليه راجعون
إنا لله وإنا إليه راجعون
إنا لله وإنا إليه راجعون
إنا لله وإنا إليه راجعون
إنا لله وإنا إليه راجعون
،،،، ،،،، ،،،، ،،،،

فجعةٍ فالقلب حلت ضربها مثل السيوف=جرعتني بالسموم وهم سد الهم هم
لاهي لفرقا خليل ولاهي لرهبه وخوف= علتي فرقاك يامشعان يارجل الهمم
مالها طب وطبيب ولا ترجعها الحسوف=حلحلت حالي وجسمي صار عظم بلا لحم
من همومي كن شمس الكون صارت في كسوف= انكسف نور الفرح واجتاحت جيوش الوهم
والقمر من كثر همي ليل بدره في خسوف=والجبل من حالتي صمه تشتت وانقسم
واختفى نور البصر من كثر دمعاتي مااشوف=في ظلامٍ مظلمٍ ظلمة يتيمٍ وانظلم
سال دمعي اه سد الآه من قلبي عزوف=ونتي ونت جريحٍ(ن) عذبه كثر الالم
انكسر منها جناح الطير من فوق الطيوف=والبراكين الخوامل ثورت نار الحمم
حسبي الله لو كتبت الحال في نظم الحروف= حسبي الله خانني في كتبها حبر القلم
حسبي الله لااله الا الله الحق الرؤوف= العزيز اللي خلق هالكون كله من عدم
الله اكبر الله اكبر جوف مكه له نطوف= سبعة اشواطٍ وتختم ركعتينٍ بالحرم
واسال الله عد من صلى وسلم بالوقوف= عند قبر المصطفى والمرسل لخير الامم
يارحيم(ن) رحمته فاقت على كل الوصوف=ياحميدٍ واحدٍ رحمن ولعبده رحم
ياالله ارحم ياالله ارحم ياالله ارحم ذخر عوف=يالله اجعل جوف قبره نور من نورك رسم
يالله اغفر له ذنوبه يالطيف ويالطوف=وادخله في جنة الفردوس واكسه بالنعم
واخر الدعوى بحمد الي رفع سبعٍ سقوف=ثم اصلي عالرسول اللي به الدين انختم