،‘، درر العود الأزرق ،‘،
 

جيـتك أودعـك
واكحل العين من شوفك
جيتـك أودعك
وأروي عطش قلبي الظامي
جيـتك أودعك
واطوي من العمر صفحة
واطفي من السنين شمعة
كيـف !
وانتي في خفوقي سكنتي .
بعد عمري أنتي ... حياتي .
تربعتي على عرش قلبي وحكمتي
بعد عيني أنتي .
أســـــــرتيــني .... فتــنتيني
وسحرك الدافي سرا فيني
بـعـد عيني أنتي .
وش في يديني بعد الرحيل ..
غير كلمة آاه .. ودمع عيني
وش بقى ..
غير الشقى وشوق و حنين .
وقلب مجروح يمكن تنسيه السنين ..
آاه لو تردين وش بقلبي لك غلا ..
إيه ! انتي يا ملاك ومن غيرك كله حلا ..
السفر قرب وحان وقت الرحيل .
وودي ارحل وأعتذر لك .
لو في يوم قصرت في حقك وما وفيت
ولو غلطت في حقك وقسيت ..
ودي ارحل .
واترك اغلا ما ملكته يا حياتي في يديك
واتركه عندك امانه واحفظيها في عيونك
في ضلوعك .. قلبي ترى عندك أمانه
رحلتي يمكن تطول .
وصدقيني بذكرك في كل لحظة ..
بذكرك في غربتي .. في وحدتي
وإن طال ليلي والله اني لذكرك ..
بذكرك كل ما اشتقت لك .
بذكرك كل ما احتجت لك .
ولو بقى بالعمر ساعة فيها بذكرك .
في أمان الله . والامل موجود إنا نلقتي .
في أمان الله .. بدت يا عمري رحلتي ..
,,,,,,,,, ودمتم ....
من أوراقي المتناثرة .
العود الازرق