ملتقى قبيلة حرب الرسمي - وصلتني يالحميدي باب الاسعافي

قاف الحميدي شعاني واسرف اسرافي
فيه وانا في من قبله حساسيه

من وقتي اللي عطاني عرض الاكتافي
اسايره والنتايج فيه عكسيه

لو نختلف بالمسار وبعض الاهدافي
خلاني اقصد قصيده شبه مرثيه

ارقبلها من ضحى في راس مشرافي
وهي مقفيه مالها بمصافحي نيه

وقفيت مشغول فكري والقدم حافي
في منطقه لاربيع والا سناويه

الحظ معها ودربي صار متنافي
ياجمرة القيض ياوجدي على الفيه

ياراعي الطيب ياخيال الاطرافي
هيضتني في معانيك الحماسيه

وصلتني يالحميدي باب الاسعافي
وانا جروحي قبل لناس مخفيه