اخواني و اخواتي هذه قصيدة احب ان اسمعكم
اياها على امل ان تنال استحسانكم

‏يا طير سلم لي على اللـي بحـايـل
‏و قلـه انـي بـالغــن ســن سبعـيــن

و الاهـل في مـكـه إذا ســال سايــل
و الله مـدري بعدنــا ويش مسويــن

تعمل بحـايــل و اختكم في محايل
و تقل يا ابي لـو رحت تتركني لمين

بيحلهــا ابن الشيـخ راعي الجمـايـل
عسى يـردك مكــه بـمـوقـعـن زيــن

‏احتاج منك علوم و ابغـى مسايــل
‏و آريدها ذا الوقـت ما هـو ببعديـن

‏ابغــاك يا بنـي لـلـثقيـلات شـايــل
‏تحفظ قواريرن لنـا حيث غاليـن

‏ولا لهـن غيـرك من النــاس عايــل
‏اسهر عليهن لمسوا النـاس غافيــن

‏و احرص عليهـن في نهار الهوايــل
‏احفظ وصاتـي حطهـا بين قوسيـن

‏يـا شبــل قومن يردعوا كـل عايــل
لو نشفت الارياق ما بين فكين

‏كتبت هـذا القــاف لابـن الحمايــل
‏لـكـن نــزل مـن نـاظــري دمعـتيــن

‏يالله على سلمى واجا بسيل سايـل
‏فـي كُــل يــوم يـعـلّـهــا مـرتـيــن

و آرى خواطين الشجــر منـه مايـل
يروي الديار وعشبـهـا كاسي الطين

‏نـعميـن يـا شمــر شيــوخ القبـايــل
قدوة لنــا ب ايام حـاتـم و ذلحيـن

لطـامــة الغــاوي إذا الـدم سـايــل
يعطون كـاشن ما بعـد عرفوا الدين

اهل القنـا و السيف و أهل السلايل
فخرن و عزوة يـوم نـادا المنـاديـن

‏و صلوا على اللي للكـرامـات نايـــل
‏لـعــل يـجـعـلـنــا معــه سـالـميـــن