انا في نظم الشعرماكان لي غاية ومقصود= لكن حب الوطن يفرض علي وانظم بزودي
حيث ان حب الوطن واجب على الانسان منشود= والواجب اللي علينا للوطن ماله حدودي
واليوم راحل عن ارجاء الوطن رجال مفقود=مار العزا في حكومة ترأس الشعب السعودي
سعود بن فيصل اللي في المواقف كان معدود= يالله تجعل عوضنا خير بعدك ياسعودي
اللي قضا في الشئون الخارجية خمسة عقود=شخص محنك سياسي كان لامثاله يسودي
كنا نريدك طوال الوقت في منصبك ياسعود=لكن ماللعرب حيلة وعن مثلك نذودي
وان قالوا الناس فيصل قلت انالازال موجود= ان روح سعود خالدلاسرة الفيصل يقودي
حاكم في مكة ومع سلمان يبذل كل مجهود= هو مستشار الملك وبرأيه الصايب يجودي
الغاية انا بخير ولا يزال الحبل مشدود= الحكم فيه الاسود ومن يجي مثل الاسودي
مادام في حكمنا سلمان سيرالحكم في صعود=الله يديمه لنا يوعد ويوفي بالوعودي
الرايد اللي رضا الخلاق له غايةومقصود= لعل عمره طويل وكل عام فالوجودي
ومحمد النايف اللي كل يومِ فعله يزود= همة محمد تصد الخصم وتكيد الحسودي
والناس ذاشانها والفهد دايم حوله فهود = وانا غاب فهدِ يجي بعد الفهد جملة فهودي
والشكر لله ماغير الله المعبود محمود= اما المخاليق دايم صادرة بعد الورودي

المشاركة الأصلية كتبت بواسطة فهد ابن غانم (المشاركة 1476204) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة حسيـن (المشاركة 1476328) مواطن صالح شاعر رائع سخر قلمه وفكره وشعره للذود عن الوطن ومشاركته في افراحه واتراحه ينشر الفرحة والبهجة في الاولى يواسي ويعزي في الثانية انموذج فريد وقدوة رائعة لمن يتابعه صح السانك شاعرنا المتميز ورحم الله فقيدنا وفقيد الوطن والعرب والمسلمين الامير سعود الفيصل اللهم اغفر له واسكنه الجنة بغير حساب ولا سابق عذاب

المشاركة الأصلية كتبت بواسطة الحميدي الحربي (المشاركة 1476413) السلام عليكم ورحمة الله وبركاته سلمت ودمت أخوي الشاعر حسين مريع العبيدي على القصيدة . . . جزله ورائعه وصح لسانك أخوك ابوساره