الله يحفظ المملكه ويعز من قاد الجيوش = تاطى على راس العدو وتهين من ياقف وراه
اما حياة طيبه والا الشهاده والنعوش = الموت مره وبشرف اخير من ذل الحياه
ياما صبرنا وانتظرنا والبنادق والقفوش= تملا محازمنا وحنا من على الدنيا رماه
نبغاك يالحوثي تعرف الحق قبل انا نهوش= لكن غرك حلمنا واغواك من خلاك اداه
اغواك ابو عمه وابو وجهن عملنا له رتوش= نبغاه يصلح لكن انه ما صلح مدري وراه
لعب معك بأمن اليمن ما اكفاه نهبه للقروش =وخلاك تهدد جارك اللي مانت واصل مستواه
واليوم خذها ذوقها ياللي تحلم بالعروش= سرنا وسرينا الصديق وخصمنا نلعن ثواه
واللعبه اللي جت على بالك نخليها تكوش= واللي يفكربالهدير نسمع العالم رغاه
وسلمان بن عبدالعزيز امره نلبيه ونشوش= انلبي امر الحاكم اللي عزز الدين وحماه
الله يعزك ياملكنا راعي الوجه البشوش = وباسن ليامنه غضب ضيق على الباغيه فضاه
مجد العرب ماهوعلى عهدك رسوم ولانقوش= المجد جمع (ن) قدت ياسلمان اخو نوره لواه
لو ما انت يالحاكم حكيم اوقفتك تروالعطوش= طالت على شمل العرب متشتت بكل اتجاه
وصاروا طماعة كل حاقد ومتربص ومغشوش= لولا ان رب البيت جابك للعرب نصرونجاه
الجمع عز ومفخره والا التفرق ما يحوش= الا ألمهونه والخطر والذل ماعمره جلاه

المشاركة الأصلية كتبت بواسطة نداء الغيداني (المشاركة 1427786) صح لسانك قصيده جزله تحيتي

المشاركة الأصلية كتبت بواسطة عبد العزيز الحريبي (المشاركة 1427806) صح لسانك على هذا الابداع وهذا الرقي معنى ومفرده اسجل اعجابي وتقديري بما سطرت

المشاركة الأصلية كتبت بواسطة الحب الباقي (المشاركة 1427826) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة عيسى العوفي (المشاركة 1428022) الـمـوت مــره وبـشـرف اخـيـر مــن ذل الحـيـاه الـمـوت مــره وبـشـرف اخـيـر مــن ذل الحـيـاه الـمـوت مــره وبـشـرف اخـيـر مــن ذل الحـيـاه صح الساااااااااااانك ياعامر الشدادي رائعه جدااااااااااااا