ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - هجينيه؟؟؟ (http://www.m-harb.net/vb/showthread.php?t=15144)

هجينيه؟؟؟


	السلام عليكم ورحمة الله وبركاته هذي قصيدة قلتها في الاسبوع الماضي كنا مسافرين انا وثلاثه وكلهم حروب طبعا اثنين شباب ومعنا واحد عمره حول هالستين وكنت انا السواق وقتها وكنا نسولف بالزواج وعاد انا يعرفني ابوروان النويمي والله يكفيني شرتعليقه على القصيده هههههههههههههه المهم واحد من الشباب الي معنا اسمه نواف قال فيه وحده مديرة مدرسة ماتزوجت باقي ومدري كيف المهم يسولف وانا كنت مشغول بالقياده مافهمت كلامه زين قلت اعيد السالفه اللي قلت من اشوي؟ قال اعيدها بشرط تسمعنا قصيده. قلت يابن الحلال انافائق للقصيد هالحين.عطني السالفه.. قالوا ابد والرائي لشايبنا.قلت هاه يابومحمد ؟ قال ماني مزعل اثنين ومرضي واحد عطهم طلبهم ويعيد لك السالفه ويتوسط لك بعد هههههههههه شفت الرياجيل مافيهم حيله قلت هالهجينيه واعذروني ترى ماكنت مركز لو صار فيها لخبطه ههههههههههههه ياشيخ حكمك مافيه انصاف=طاوعت هرج المجانيني شايب وتامرعلي اضعاف=وقدرك على الراس والعيني يالربع مالي هوى بالقاف=لكن وعد والوعد ديني وان جاء بوزن البيوت اخلاف=ياساحة الشعربيحيني لواضع الوا بدال الكاف=ياشين حكم السلاطيني هات الخبرقول يانواف=عجل ترى الشوق حاديني ترى رفيقك على مهياف=راعي طلب والطلب شيني عاشق وقلبي خضرميلاف=يحب ذكرالمزاييني ترى الدريول يباالميقاف=الخط ماتميزه عيني شفني بميل على الاكتاف=وبمشي ثمانين تسعيني

تسلم على الهجينيه وصح لسانك ..والحمدلله بالسلامه ..بس ماعلمتنا وش صار بعد ماعلموك عن المديره ؟؟؟؟؟ نويت والا ؟؟؟؟؟

الاخ محمد القايدي
تسلم على مرورك الجميل
وتعليقك الطيب
لكن الرجال ماتوسط لي
والا انا ناوي
ويقولوان ثلاث مافيهن مزح
عزيمة الرجال
وخطبة النساء
والثالثه ضيعتها

صح لسانك

هـات الخبرقـول يانـواف=عجل ترى الشـوق حادينـي
ترى رفيقك علـى مهيـاف=راعي طلب والطلـب شينـي
عاشق وقلبي خضرميـلاف=يـحــب ذكرالمزايـيـنـي

الله الله

اخلفت قلبك المديرة ههههههه

الله يعطيك العافية رائعة جداااااااا

بارك الله فيك ورزقك بكرا مدرسة جمال ودين وحسب ومال

وش تبغى أكثر من كذا

اقتباس:

المشاركة الأصلية كتبت بواسطة سلطان الغيداني (المشاركة 135758)

صح لسانك
هـات الخبرقـول يانـواف=عجل ترى الشـوق حادينـي
ترى رفيقك علـى مهيـاف=راعي طلب والطلـب شينـي
عاشق وقلبي خضرميـلاف=يـحــب ذكرالمزايـيـنـي
الله الله
اخلفت قلبك المديرة ههههههه
الله يعطيك العافية رائعة جداااااااا
بارك الله فيك ورزقك بكرا مدرسة جمال ودين وحسب ومال
وش تبغى أكثر من كذا


	يمال العافيه ياسلطان يالغيداني ابد مابي شيء غيرذا وجزاك الله الف خيرعلى دعواتك والله يسمع منك وياعلك بالوجود وتجود تزاحمت العبارات بخاطري ودي ارد عليك رد كافي لكن اعذرني ياخوي هههههههههههههه

ههههههههههههه

صح لسانك يالبناخي

و أقول أعزمنا على الزواااااااج ،،،،،،،، بس لايكون زواج مسيار

ههههههههه

اقتباس:

المشاركة الأصلية كتبت بواسطة فارس عوف (المشاركة 135769)

ههههههههههههه
صح لسانك يالبناخي
و أقول أعزمنا على الزواااااااج ،،،،،،،، بس لايكون زواج مسيار
ههههههههه

الله يهاديك انت اول المدوعين للزواج
لكن انا مابعد لقيت شيء
المديرة ماحد دلني عليها
سمعت هالطاري
لكن حطني بالك
و لوحصل شيء
كل اعضا ملتقى حرب
ارسل لكل واحد بطاقة دعوه
هههههههههههههههه

طيب يابوعبدالرحمن متى الزواج ان شاء الله

لا تنسى نعزمنا

موقف جميل ورائع

الله يوفق

هههههههه

موقع طيب منك يابوعبدالرحمن

الله يوفقك وصح لسانك يالغالي

صح لسانك و بيض الله وجهك

على هالقصيدة الجزلة