كاتب الاشعار هندس ثم غنا = والمثايل مابها ذنب وعيابة
شاعر(ن) ياما تغنى في وطنا = من معاني سامية يجمع حسابه
من وفا من حب من قلب(ن) تمنا= السلامة للوطن واللي عنابه
نحمد الله خادم الاسلام منا= اعتنى بالبيت والله اعتنى به
ياوطن بالحاكم العادل تهنا = عزك الله به وحنا عزنا به
حاكم(ن) عن واجباته ماتونا =في مواجيب العرب متعب ركابه
من فراسة واختيار وحسن ظنا=ياملكنا نلت من مصر الوهابة
امس شيخ الجامع الازهر تبنا = منحةِ جاتك ولافيها غرابة
انت اهلها وانت اكبر يالمهنا=موطن الاسلام دارك وانت بابه
عضدك الايمن يرد الشرعنا= كان جا في الكون ميلة وانقلابة
مرحبا حييت ياحامي ضعنا = من يجينا من جنابك مرحبابه
يوم بايعناك بالله استعنا =والامر منكم نعم منا جوابه
طال عمرك يوم حبيناك حنا= الله المعبود ملهمنا صوابه
والخسيس اللي على الدولة تجنا = ربنا يخزيه ويعجل عقابه
نكره اللي عن مبادينا تدنا= من بيوت العز عود للخرابة
عود مايل للعواجة لو زبنا=العوج ماينعدل وش يتبغابه

المشاركة الأصلية كتبت بواسطة ابوهليل (المشاركة 1418776) ياسلام يابوماجد ابيات وطنيه من احد ابناء هذا الوطن المخلصين كثر الله من امثالك وصح لسانك مليون وبيض الله وجهك هلا وغلا اخي ابوهليل ماعليك زود يالغالي

المشاركة الأصلية كتبت بواسطة الحب الباقي (المشاركة 1418781) صح الله لسانك يا القرم والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة نديم المجرة (المشاركة 1418924) وصح لسانك مليون وبيض الله وجهك