الحظ ......مع حظوظ المخاليق ...
 

السلام عليكم .
.
.
.
آخر الجديد من القصيد ...

للشاعر فواز بن محسن الزويهري الحربي

:؛:؛:''':؛:؛:؛'''':؛:؛:؛:'''':؛:؛:؛'''':؛:؛:؛''''؛ :؛:؛:؛''''


حظي مع حظوظ المخاليق مملوك
عقب الشرف باعوه بالملح فالسوق

كلما قصدت لباب بلقاه مصكوك
ماهو ردا فاهله... ردا حظ مطفوق

والدرب قدامي ممهد بلا شوك
وخلق الله اتروده و لاهو لهم عوق

وليا مشيته صار باشراك مشروك
وأصبحت في دربي من الناس مسبوق

رغم الذي قلته عن الحظ مالوك
أعانده باصرار و العز مطروق

لولاه كنت الجدي واسمي على البوك
لكني سهيل اليماني ومرموق

صحيح عالي لكن اطموح منهوك
ما رضى بعُلُو سهيل لجلي ابا الفوق

يامتعبين الركب في درب مسلوك
هيدوا .. وميلوا .. لدرب مافيه ملحوق

حتى تميَّز ... ميِّز اخطاك ياخوك
وابعد عن التقليد وابدع لك عروق

عرق الذهب فالحيد مافيه مشكوك
ولا فيه مثله لجله الصخر مشقوق

والناس للي حازه تقول مبروك
وفي نفسها غيض ن بها الجوف محروق

أكبر دليل .. إن طحت فالفم معلوك
عادي ..طبيعي .. بين سابق ومسبوق

ياكم شفت من الهول كل مفروك
ابدهن ماينباع ولا له ابد توق

أضحك وأنا مالي في ضاحك ومضحوك
ولالي ونس ... لكن من الشر مفلوق

شر البليه يضحك قليب مهلوك
ويبكي حجر مالان ولا له ابد شوق

**********':؛'::؛:؛:؛:؛؛':؛**********

صح لسانك
يافواز الزويهري

صح لسانك اخوي الزويهري

راقي حروف اخي الزويهري .
......................................

قرأتها اكثر من مررررة .

صح بدنك وسلم غاليك

صح بدنك وسلم غاليك

صح بدنك وسلم غاليك

في كل مرة تقرأ حروفي المتواضعة تتوجها وسام الشرف