بدع الشّاعر /خالد بن عبيد بن معتوق ألأحمدي=
البعد ياعيسى فالاعراف محسوب=امّا زعل ولاّ يصنّف تغلّي
ولاّ المشاغل لو تكاثر كما النّوب=ماتقطع اللي له عوايد يهلّي
البعض لو تنحيه عن ربعه دروب=يحسب قريب وباتّصاله يسلّي
والبعض يبعد والغلا عنه محجوب=لو كان قربه منك عشرين ملّي
وانا عرفتك ذوق راقي وحبّوب=ليّن جناب ولادخلك التّعلّي
والمعرفه معكم مهي ملح ويذوب=مثل الجبال الرّاسيه ماتزلّي
ومبغاك تقطع وصلنا راجع وتوب=عيد الوصل خلّ المشاغل تولّي
ولولا الغلا من صاحبٍ منك محبوب=يااللي خذيت من المكارم تحلّي
ماكان تحسب غيبتك فيك عذروب=عطني سبايبها وبالقاف قلّي
توضيح يشفع لك ليا صرت مطلوب=حقٍ تحقّه بالدّلايل مدلّي
جاوب كلام اللي من الله موهوب=حكمه ومثلك منّها مايملّي
ومبغاك تزعل من صحيبٍ لك ينوب=لو كان بالنّشده شفوقٍ وحلّي
ردّ الشّاعر/ عيسى بن رجعان العوفي=
ابيات حربي خطّها بمنتدى حروب=يقول هم ربعـي وهذا محلّي
اهل الوفا وآنا لهم دوم مندوب=بالطّيب اشّرف باللقا عـــزوةٍ لي
جاني على الموقع مع الصّبح مكتوب=من نجم شعرٍ بالآفاق امتعلّي
خالد ليا عدّوا هل الشّعر محسوب=للعالية يقفز سواة المظلّي
غاص البحور وخط له بالوطى دروب=مع كل فجٍ مايكل ويملّي
انشد وياتيله عن العلم مندوب=الكوكبه تحفظ لخالد سجلّي
صديـق وصـل وشاعـرٍ راقـي اسلـوب=وافي وعن نهج الوفا مايزلّي
واللي حداني عنك ياقاضي النوب=وعن منتدى فيه الجماعه تهلّي
ومجلس شعر مابين قلطـه ومسحـوب=ومنبر علوم بنورها نستدلّي
اضروف تجبرني على غيبيتي نوب=والعذر لو تكرار عذري مملّي

صح السانك لاهنت

ولاهان منطوقك
الرااقي