يارزين العقل ياراعي الوجه الفليح= اعتقد مادون صدق الحديث ولا وراه
اخذها مني على وجهة القول الصحيح= مالنا عن خوة القرم والطيب غناه
يستريح البال مع كل طيب يستريح = غير عندي غير عن من يكدرني معاه
في عيوني لك مزايا وصوره ماتطيح = لو يطيح سهيل والجدي من عالي سماه
ياجبل قدمك جيل ماتهزه كل ريح = تحرق كروت الصراحه ولا يخدش غلاه
ادري انك طيب المحتوى هباب ريح = ويجذبك طيب النبا جذب دلون من رشاه
بس عطني كلمة الصدق بلسانن فصيح= مثل من الحق يعطى من عدول القضاه
بعدها ياصاحبي يادوى القلب الجريح= ابشر بخوة خوين مايبرد بخوياه
كان تبغانا نتوجه على ديار المسيح= والله اني غير اوجه معك بالاتجاه
ماعبدنا غير من كون الكون الفسيح = وكل عاقل عارفن وش صوابه من خطاه

صح السانك لاهنت ابداع
لاشك

المشاركة الأصلية كتبت بواسطة اللحالي الغيداني (المشاركة 1405803) الشاعر : رامي الجهني ؟شاعر مافيك حيله صح لسانك ع القصيده الجزله من الجزل :::؟؟ تحياتي

المشاركة الأصلية كتبت بواسطة سعد المحمدي (المشاركة 1405807) الشاعر رامي الجهني صح لسانك وعتلا شانك