جـيتـك ادورني على صهـوة الشـوق = ويني فداك الكون في غيـبتك ضعت
وينك فـديـتـك اتـلـف غـيـابـك الموق = عـن عـاتي الوحشه بطـيـفـك تمنعت
لا شفت جـلباب الدجى صار مشـقوق = عـلى جـروح (ن) ينثر اللـيل شمعت
اضحك ويبكي بين الاضلاع محروق = من غيـبـك قـلـب (ن) بلاماك ولعـت
علمتـنـي حـبـــك ولا عــاد مخـلــوق = غـيــرك يسـلـيــني مثــل ما تـوقـعـت
جـلـبـاب صبري يا لغـلا كـله فـتـوق = مهـما عن عـيون العـواذل تصـنعـت
وش حيلتي في سجة الفكر ما فـوق = مـنهـا لــو انـي لجـلســايـه تسـمعـت
يحول دون اصواتهم عـذب منطـوق = باقي صدى ذربك ليا اصغيت له فعـت
ابلا شعـور يسوقـني هاجسي سـوق = يـمتـك ادورنــي لا جـيـتـــك تجـمعت
القـاني يا وجـداني لا عـاقـك العـوق = عندك هناء روحي عليها لاشعـشعـت
يا سعــد عـيـني فـيـك يا سيد الذوق = لا هـب نسـنــاسـك عـليه وذعــذعــت
ونثرت ليلك ترقص لشوفك عـروق = قـلـب يا قـلبـي يـنـبـضـك به تربعـت

نص ولا اروع
من كذا

صح السانك لاهنت

المشاركة الأصلية كتبت بواسطة ابوهليل (المشاركة 1403329) صح لسانك يابوفيصل نص رايع بيض الله وجهك