طال الاملّ للي غفل مكر دنياه=مايدري ان الوقت طبعه يمكّر
عشت السّنين البيض في وضع محلاه=ونشّوة شعور الحبّ مثل المسكّر
يالين حلّ اللي دهشها ولا ارضاه=وماهقوتي بيبانها لي تصكّر
ولو طعت شوره فآخر ايّام لقياه=ساعة نصحني بالزّواج المبكّر
قصده يسلّيني عن ايّام لاماه=بعد الفراق اللي علينا معكّر
لاكن رفضت الشّور من صعب لنساه=ولاضن بالقا من بعدها مشكّر
وطبع العنيد يعذّب اللي تحدّاه=قوّة عناده تجبره مايفكّر
مجروح من فرقاه ياقوّ فرقاه=بسّ ابتساماتي لحزني تنكّر
وامشي فطابه تبكي العين ذكراه =وكلّ المواقع في حبيبي تذكّر
ومن زود وجدي قلتها حسبي الله=باللي على اهل الود غيضه يهكّر