بدع الشّاعر/ خالد بن عبيد بن معتوق ألأحمدي=
إلى من جابوا اسمه ياخذني فيه هوجاس=تذكّرت الوناسه والايّام الجميله
فتاةٍ زينها ماوجد مثله مع النّاس=لها عنق الغزال ولها العين الكحيله
مانام الليل كنّي في عتم الليل عسّاس=ادرّج حول بيته ولالي من حصيله
وجودي ياوجودي عليها صعب ينقاس=ولا يظرب بالامثال معدومٍ مثيله
وانا رجلٍ مجوّد في خالي طيّب السّاس=اعشق المستحيله وآجيب المستحيله
وعنايه من بلايه رهيف الحسّ حسّاس=ويابعض المواقف تعقّب لي غليله
قصدتك يابو محسن واعرفك شيخ قرناس=يجيب الفود ويسرّ منهو يشتكيله
عليك اشكي عنايه بلشت بوضع محتاس=ولا فالصّيدليه دوى الرّوح العليله
وبستان الغوالي حدوده صعب تنداس=وشوق الرّوح زايد على شجره ظليله
ويحرس شجرة اللوز عني خمس حرّاس=وكيف ابلغ ثمرها وانا صعب اعتليله
ردّ الشّاعر/ فوّاز بن محسن الزّويهري=
تقوله وأنت دونه رميت السّيف والفاس=تقول الحلو حالي ليته دنا بحيله
عجيب أمرك وحالك تبا تشيل بافلاس=بدون جهد وعزوم راسم كيف شيله
تعال واسمع اللي مجرّب فالهوى امراس=إن كان ودك الجني وتقطف من نخيله
لوكان تسمع النّاس ماتقني من الماس=من رام للغوالي اسرج جياد خيله
انصى الحرس بمذهب رصين وعرف نبراس=تحلحل حلة القوم وتظفر بالحليله
لاكان يسوا سعره فالسّوم دون الاقواس=وإن كان فيه ريبه تخيّر من مقيله
وعدٍ ما يروّيك مالك فيه نوماس=وصيفٍ فيه مزنه بروقه لا تخيله
سحاب الصّيف دفّه سموم ماهو نسناس=شكله يشوق لاكنّ ماله من مسيله
ترى الهوى يحرك بحورٍ مالها قياس=وياكم وكم سفينة في قاعه مستقيله
لفاك الحرف مكتوب من تجريب واحساس=من واحدٍ يشوقه يشوفك فالطويله