الا يالله دعوتك يامحل العفو والدعوى= تساعدني وتسمع دعوة للي جاك مضطرِ
رجوتك يا الهي ياعليم السر والنجوى= وماتخفي صدور الناس من خير ومن شرِ
اليك نسوق رجوانا في غيرك مالنا رجوى =ومن غيرك يجيب اللي دعاه ويكشف الضر
بعثت المرسل الهادي رسالته لها فحوى= ومن فحوي رسالته عرفنا الرفع والجرِ
رسول الله هادينا لنيل المنى والسلوى= على نهجه ومنهاحه نجوب البحر والبرِ
كتاب الله عمدتنا منه نستنبط الفتوى = وفي صفحاته شفنا بيان الحلو والمر
يقول افرح لياجا الخير قال اصبر على البلوى= فان الله هو المحمود في الضراء والسًرِ
ترى من عاش في الدنيا رضا المعبود له شقوى= بعث يوم القيامة منشرح صدره ومنسر
حياة الناس في الدنيا مرور ولا لها بقوى = سنين العمر نقضيها مابين الكرِ والفرِ
منحنا ربنا قوة لكن الله هو الاقوى =يجينا بعدها ضعفِ ولون الوجه مصفرِ
ولاحانت نهايتنا لنا في المقبرة مثوى= وهذا الامرمانلقى مفرِ منه ونفرِ
وكل له صحيفة في نهاية وقتها تطوى= ويبقى الفعل محصا لويكون ايسر من الذرِ
مدام الفعل يبقى والنفوس تروح للمهوى ==تبعنا صالح الاعمال رغم البرد والحرِ
فمن كانت سريرته اتت في البر والتقوى= خرج من هذه الدنيا من الشيطان متبري
بعكس اللي حياته كلها نفسي وماتهوى= قضى عمره وهوعايش ورى الاهواء منجرِ

المشاركة الأصلية كتبت بواسطة الحب الباقي (المشاركة 1387809) تسجيل تواجد في منبر الجزاله صح لساانكـ بيض الله وجهك

المشاركة الأصلية كتبت بواسطة ابوهليل (المشاركة 1387827) صح لسانك يابوماجد الله يعطيك العافيه

المشاركة الأصلية كتبت بواسطة فايزموسى البشري (المشاركة 1387841) صح لسانك ابو ماجد الله يعافيك ويعطيك طولت العمر

صح لسانك ابو ماجد الله يعافيك ويعطيك طولت العمر

المشاركة الأصلية كتبت بواسطة فهد ابن غانم (المشاركة 1389613) صح الله لسانك ولاهنت وسلم فكرك وبنانك دمت برعاية الله وحفظة