بدع الشّاعر/ نايف بن صالح المالكي=
ياخالد ابن عبيد نبغـي قصيـده=من شعرك اللي فاح عنبر وكادي
ياشاعرٍ معروف عندي وافيده=انّه من الاصحاب وقت الشّدادي
وابياته العذبه عجيبـه فريـده=شعرٍ يسرّ الرّوح ماهو بعادي
وانا التهف ودّي بشوفة جديـده=بدعك دوى للرّوح والقول بادي
ابديت لك علمي ونفسي اكيـده=انّك على ماقلت علمٍ وكـادي
ثم ياصلاة الرّب منّـي عديـده=على نبيّ الخلـق بالخيـر زادي
ردّ الشّاعر / خالد بن عبيد بن معتوق ألأَحمدي=
يانايف بنهجّ القصيد ونشيده=مازود عنّك ياكريم الايادي
ياشاعرٍ حبك المعاني تجيده=محلا هجوسك ياسليم المبادي
كلّ مانطقت الشّعر نطلب تعيده=من زين نظمك يحترمك المعادي
واجب عليّ آحقّق اللي تريده=وانواصل اللي بيننا من تهادي
في منتداكم ماكتبت افجريده=ابيات شعري حدّثت عن ودادي
وصلّي على المبعوث نور العقيده=اعداد رمي امجاهدين الرّمادي