ياسامعني تعال وشوف مثلي دورة الايام = في حاضرها وماضيها وسارحها وضاويها
عجلها بالشهور يعد 0 يجمع بالسنين اعوام = احد يلقى منافعها واحد صوبه بلاويها
بنستطلع نتايجها حسب ميز العقل بالمام = علينا نكشف اولها قبل ينعاف تاليها
بنلقى فالدروب دروب فيها للشتات ارقام = ونمشي فالطريق ولا نحاول نلتفت فيها
ذخرنا عشبة الامال بنداوي بها الاحلام = عساها تعالج الألآم قبل الوقت نعفيها
على ماقيل للحكمة حسب ماحاطت الاقلام = حقايق طابقتها ماتكذب قول حاكيها
علينا نختصر منها المهم ونحوي اللي هام = ولو خربت نتايجها دعينا الله يسويها
ترجح كفة العقال لو كفة عليها اجسام = عشان اهل العقول عقولها دايم تقديها
لجل راع الوفا والطيب يركِز فالحيود اعلام = يحشم خطوة الوزعة على دربه يداريها
يميز بالصفا مشيه ويعلم للظروف احكام = وطبعه فالحياة ظروف خلق الله يراعيها
وقيل ان الردا قصره يعود من بناه حطام = ونية صادقة يفلح بها من كان ناويها
وسوق المخطية لو شفت بين الناس فيه ازحام = يقولون اتركه واصحى بضاعة منه تشريها
ياسامعني لقيت هجوس شعري في سماها حام = يوايق فالزمن والناس وافكاري يسليها

المشاركة الأصلية كتبت بواسطة العطيب (المشاركة 1373146) ياااااااااااااااااااااااااسلااااااااااااااااااااام عليييييييييييك يا ابو محمد درررر منثوووورة صح السانك وبيض الله وجهك

المشاركة الأصلية كتبت بواسطة ابوهليل (المشاركة 1373149) شاعرنا القدير ابومحمد صح لسانك على القصيده الجزله ولاتستغرب الجزاله بيض الله وجهك