لا تحسبني يوم أعاملك بالطيب=وغصبن عليه يوم أعاملك طيّب..
لو إنتا أجدر مننا بالأساليب=فأغنم اذا هبت معاك الهبيب
أنا معاك إنسان شاعر وحبِيِب=أفضهن أبكار ولا أفض ثيب
لا أقول لا مخطي ولا أقول لا مصيب=أحاول أسقي الأرض وابل وصيّب
لا أخيّب الطيّب ولا خاب ماأخيب=من خيّب الطيّب لزوم ايتخيب
الطيب مثل الصحبه بين الاصاحيب=مايمنع الحاضر وجوب المغيّب
فالصحبه اللي عززتها التجاريب=مثل الذرا في أسبال شاخاً مشيب
والصحبه اللي ماأستشدت بأطانيب=يقشع ذراها مذريات ألازيب
والصاحب اللي عِرّفِتِه بالمكاتيب=لاهايب الصحبه ولاهو امتَهيب
أخذها مثل ضربت عطيب المضاريب=من صايبه لا مات ولا هو بطيب
يصيّح مع الراعي و يعدي مع الذيب=مقيوله ماهو موقعتبه قريّب