يا مجتمعنا السعودي عندي رسا له = رسالة عاجله ماني مجلها
من دافع الخوف من وضع يهياله= كتبتها والضمير الحي ينقلها
الوضع شايك وفيه قفاي وقباله = وتكبر صغار المشاكل لا تجاهلها
يشوفها شوف عين ولا يوراله = عقل يقيس الامور ويكشف عللها
شعوب من حولنا في حال يرثاله = متخالط حابل الثوره ونابلها
تمسي وتصبح باخوف الحرب وهواله = كثرانة عقب ثورتها مشاكلها
حنا بزمن يجهل الرجال جهاله= عصر عوارف زمانه تقصر حيلها
ثورة معارف دقاق العلم وجلاله =تفتحت قدمنا البيبان بقفلها
كل يصرح ويرسل عبر جواله = الناس ماعاد ندري وين عاقلها
نسمع وكل يدان بواقع اقواله = اعلوم ندريبها وعلوم نجهلها
تحولات الزمان تواكب الحاله = دورات الايام ياربي تسهلها
من حكم الاقدار ما فك الغني ماله = ولا ملوك محصنة منا زلها
شف حا كم العام صار السجن منزاله = وحكم سجينه وحال بحال بدلها
الحكم لله وحده لا شريكاااااله = نؤمن بها اية ربي منزلها
وحنا بدار حكمها العود وعياله = الدين منهج حكومتنا وكافلها
عشنا تحت راية التوحيد وضلاله= ولا نقبل احد عقيدتنا يحولها
ماهي سواليف لبرالي ويبراله = اصناف ونواع ما تخفا عمايلها
حثالة معجبين بمنهج حثاله = اعقولها بهرجان الغرب غاسلها
ايدينها عند باب الخير نشاله = وتسعى ورى احلامها تبي تكملها
والنوع الاخر هل الارهاب واضلاله =مع ان الارهاب كلمة لو نحللها
ارهاب الاعدا ء من اصل الدين يا رجاله = وماكل شيخ يقول الحق يعقلها
وتوظيفها لغير وجه الله ينداله = جبين عاقل عدوه مستغل الها
والحق ميزان شرع الله نلجا له = ومن دانها الشرع لا يكثر محاولها
وش ذنب من يتم لارهاب من عاله = من يكفل اعياله الي كان عايلها
وتجمعات الشوارع ناس دلاله = تجمعة والفقيه الي يراسلها
هذي دعاوي سعد فقيه واشكاله = يبون منها قضيه في مداوله
ورسالتي مختصرها ياهل القاله = شامان يا بانة العوجا يعدلها
الحق ما يقصر الباطل من حباله = وقوة بلاد السعوديه قبايلها

قصيده رائعه وهادفه صح لسانك ياخالد وبيض الله وجهك