محلا القصيد وصوت قرع الطًبولي = من شاعرن جاب المعاني ليا هاض
كلًن على عسًه يسوق الذَلولي = ويصبح قصيده بين فتًال ونقَََاًض
والله لاحمًلهم ثقيل الحمولي = دفعة جواهر كاش ماهي بالاقراض
ترى النًصايح قبل دور الحلولي = مثل الوقايه تسبق علاج الامراض
لاتغرًك الدنيا بعرضن وطولي = كم قوم عاشت واصبحت تحت الانقاض
دنياك مادامت لأفضل رسولي = ليت البشر من طبع الايًام تعتاض
بالدًين خلً السيف سيفن سلولي = ابذل به المجهود سنَه وافراض
لابدَ ماتسمع قريع النًعولي = يمشي المشيًع فوق قبرك ليا فاض
والوالدين اللي جزاهم يطولي = مثل البحر ماينقصه غرف الاحياض
احسن اليهم كان تبغى تجولي = في جنًة المولى على انهار ورياض
والجار خصًه بين ذولا وذولي = لاينقصه بعض اللًوازم والاغراض
للضيف لاتنشد وتصبح فضولي = من شاوره ماعطى سوادً ولابياض
والصًاحب اللي لاتبسًم زعولي = له نيًتن قشرا وله قلب مغتاض
بعض العرب معروف فعلن وقولي = وبعض العرب معروف رجال فضفاض
والخير مايجزى بفعلن جهولي = ون صنت عرض النًاس صانو لك اعراض
ولاتصير في بعض المواقف عجولي = وتخسر قلوب النًاس من بعض الالفاض
ورزق الغناوي عالفقير الخجولي = مايغتني خاجل لو الديك له باض
ولاتغرًك البسمه بطبع الجفولي = أوًل دروب السًيل برقن ليا ناض
عمر السًنه محسوب بأربع فصولي = وفصل الرًبيع اللي تبيًن بالاعراض
لاتقول هذا الزًين غاية ميولي = اهل الهوى ذاقو المراره والاحماض
والخاتمه بعض القوافي تزولي = وبعض القوافي بين راوي وحفَاض

المشاركة الأصلية كتبت بواسطة سعد المحمدي (المشاركة 1357399) الوالدين مهما الانسان فعل لهم من الافعال لايوفيهم ادنا الحقوق بارك الله فيك على الموعضه وصح لسانك وتمنا لك التوفيق والنجاح

المشاركة الأصلية كتبت بواسطة محمد هابس (المشاركة 1357507) ولاتصـيـر*فــي*بـعـض*المـواقـف*عجـولـي وتخسر*قلوب*النًاس*من*بعـض*الالفـاض راعي الطويسه صح الله لسانك وبنانك تقبل مروري