السلام عليكم ورحمة الله وبركاته
جاني خبر عن قصيدة كُتِبت في الأمطار والربيع في مغينيه
وفيما بعد علِمتْ بأن القصيدة للشاعر أحمد حمد البلادي ويقول :

الغيث عم المملكة وأقبل الخير=وهل المطر وأسقى جميع الفيافي
تبآشروا ياأهل الغنم والمغاتير=تبآشروا ياأهل القلوب النظافي
يازين شوف البر والعشب والطير=وشوف الفياض اللي تجيب العوافي
وريح الخزامى والنفل والنواوير=تزيل همٍ بين الأضلاع خافي
لو قيل جدة غير رابغ بعد غير=اللي سمع واللي بالأعيان شافي
ياأهل السياحة ويش كازا وأغادير=مغينيه منظر طبيعي خرافي
دار النشاما والرجال المناعير=في وصفها يازين بدع القوافي
يامرحبا بضيوفنا والمسايير=ترحيب مثل الهيل جوف المصافي
ياأهل السياحة أقبلوا دون تأخير=عينٍ فراش وعين صارت لحافي
سياحةٍ من دون صرف ومخاسير=ولاتدفع رسوم الأجار الإضافي
هات الذبيحة والحطب والدوافير=وخيمتك والعزبه وأمورٍ خفافي
شد الرحال ولاتدور معآذير=دام الأمور بخير والجو صافي

صح الله لسانه وبيض الله وجه وجزله من جزل.
والحقيقة تفاعلت مع القصيدة وكتبت الابيات التالية ان شاء الله تنال رضى الجميع :

عسى البقى يامرحبٍ بالجماهير=تبقى بخير وطيِّبٍ وامتعافي
ذخر الحشام اهل الوجيه المسافير=تنشر له البيضا بروس الشرافي
تِطلِق حجاج ويبلجن الاسارير=وضح النقا ماهو كلام إلتفافي
عن كل حيٍ جاء بحشمه وتقدير=في دار ربعٍ تحتمي كل قافِ
الطيب فأهل الطيب يأتي بتأثير=ويسر من طِيبه بيان وخوافي
الله ياقاك الوجيه العواثير=وياقا الديار امن السنين العجافي
وعز الله إنا يوم جتنا التباشير=لو تِكتف الاقدام قِطع الكتافي
كلش على ظهر الوسيعة يبا يطير=للبسمه مرفأ من كبار المرافي
سوات داعي كنق في حفل تومير=ترحيبه يِقري كل وافد ولافي
فالليل تنظر فالخيَّم بالمواطير=عقد يتلالا تحت سود الغدافي
وفالصبح تنظر فالمواتر طوابير=حتى الطريق بشرحة الصدر وافي
شوفي بعيني , ما هو كَتّبْ وتصاوير=وهاذي تواقيعي وهذا إعترافي