خالـد بــن عبـيـد الاحـمـدي =
الضّومـنـه لـعـبـه بـضـنّـي=بالليـل تلـعـب مـهـو بنـهـار
قــم ياعـلـي عـيـد قابلـنـي=والشّـيـش لاتقابـلـه بـجـهـار
عـلـي بــن عـيـد البـشـري=
مثلك...يـابـو عبـيـد ماكـنّـي=والحرّ ماشبهه وذ كار (with car )
قّــم .انــت قـابـل ونازلـنـي=والفـتـل والنـقـض للـشـّعار
خالـد بــن عبـيـد الاحـمـدي=
عــن غـايـتـي ماتعطّـلـنـي=ولنّتـه معـي فـارس المضـمـار
يــوم المعـانـي تـجـي مـنّـي=كــم قبـلـك افـردّهـا يحـتـار
عـلـي بــن عـيـد البـشـري=
يـامـن لـنـا جـيـت متعـنّـي=القـول لــه عنـدنـا مسـعـار
واجــب قـبــل لاتعامـلـنـي=اتمـيّـز الـفـلـس والـديـنـار
خالـد بــن عبـيـد الاحـمـدي =
الـقـاف مايـجـيـك متـغـنّـي=إلا غــلا ياحـفـيـد احـــرار
وبالشّعـر تـاجـر ولــي فـنّـي=واحــوّل الفـلـس لـــك دولار
عـلـي بــن عـيـد البـشـري =
ونـعـم ولازلـــت مسـتـنـي=اسمـع نـغـم بــادع الاشـعـار
ولاّ الـغـلا يـاصـقـر عـنّــي=أضعـاف عنـدي لـكـم مـقـدار
خالـد بــن عبـيـد الاحـمـدي=
اسمـع نـغـم عــازف ايـونّـي=داخـل ضميـره تـشـبّ الـنّـار
بيـنـه وبـيـن الـغـلا جـنّـي=بيديـه قـصـر الـغـرام انـهـار
عـلـي بــن عـيـد البـشـري =
شـرحـك والافـكـار وصـنّــي=احلله مـكـمــن الاخــطــار
وإن كــان جنـّيكم سـنّــي=علـيـه لاتـشـغـل الافـكــار
خالد بن عبيد الاحمدي=
لاهو بمذهب ولاقنّي=ماهمه الا خراب الدّار
نكّد عليّه وناحلني=في ودّي اللي عليه آغار