انشهد ان الهوا مايعترف فالسلوم= وعزالله اني من اسباب الهوا اكل هوا
حاولت اقاوم جبروته وجيت مهزوم= رحنا سوا والبلا انّا مارجعنا سوا
اثر الهوا صلف ويحطم قوي العزوم= وش حيلتي والهوا عزمه عليه قوا
اشوف بسابه ابعز القوايل نجوم= ضيق علي الوسيعه يوم فيني نوا
سطا عليه اوردني لحوض الهموم= ولافيه عرقن من هموم الجفا ماتروا
الصد ياغايتي خلي ضلوعي لهوم= وعز الله انه جرحني جرح ماله دوا
لو لا الغلا مادفع قلبي لوصلك رسوم= ارسومه الشوق لاموبايل ولا سوا
تعال ياروح روحي خل حظي يقوم= بسم الغلا نادني لعل مالك لوا
تفداك روحً تطاول عزها للغيوم= رفيعة المستوا ياعالي المستوا
بس اتوجد علا لاماك في كل يوم= شف حالي امن الغياب المر كيف انطوا
الله يبشرني ابلاماك لو بالحلوم= لو ماسرح فالحقيقة حلمي او لاضوا