النوم ماجاني وانا الليل سهران = يومن كل الناس حولي نياما
وما احسب اني يوم سهرت الاعيان = ما اهلكت روحي من عديم المناما
ياليتني مابعت لو كنت كسبان = ولا شريت من الذهب والخزاما
ولا مكلت الدر وكنوز واثمان = لين الكمر ماعاد دونه حزاما
وانا لاملت السوق ميلت عشقان = ماكني الا في بحور الغراما
وراع الهوى لا قلت له كان يافلان = يزيد ماينقص غرام وهياما
والسوق وانا اثنين حلوين خلان = شربو مرار البيع قد وقواما
وعينت لي موظف مايغلظ بالاوازن = لو حاولو به سارقين الكلاما
وسويت لي رخصه وتصريح دكان = ولوحه كبيره تشوفها فالظلاما
مكتوب فيها راعي البيع خسران = وان بعتني بشري في سوق النشاما
شاور قبل لا تنزل السوق عجلان = ولا طحت لامن طحت مامن قياما
هذا مسير البيع راضي وزعلان = وما اجبرك وانت لك مزاج ومراما
وان عادت الايام ما اعيش فقران = بعد عرفت اللي حلال وحراما
هذا نصيبي بعد صفقات الازمان = والله يوجهني طريق السلاما