ليتني ما شفت علم الفيس بوك=كان عن علمٍ مغطى مادريت
احسبٍ دربه على الأنذال لوك=وإثره اوبن لين دحدر بالونيت
واحسبٍ بابه مقفل مايفوك=واثر في بيته يثور الدينميت
ياخليفه لو فتحنا كل بوك= قد ملا سم الأفاعي كل بيت
وكل مفتي بالقضية بايعوك=لين كبرت ثم صارت كمبليت
ومع حديد الراجحي جبنا بلوك=مير نشبت من طبرجل للكويت
ودي برايك لعل الله يفوك=كل عقده يابو احمد ليت ليت
الرد من خليفه المزروعي=
ليت ماتنفعك وانته ولد ابوك=بعد مامريت واخذت وعطيت
وانت ماعندك على العالم دروك=قدمك العربان لقيو مالقيت
وتقنيات اليوم مافيها صكوك=البشر تاخذ كما مانته خذيت
يامحمد دربهم محفوف شوك=وانت عاقل للبلاوي ماوطيت
ابعدو مدام في علومه لكوك =ونو الحسنه ليامنك نويت
جبت سابك والمهندس من تبوك=وفوق كوم الرمل ماضني بنيت
وان بغيت الراي هذا راي اخوك=وانت شرواكم على مانا هقيت