|
لعن ابو من لايعشق ولايهاوي??........................................ ......
لعن ابو من لايعشق ولايهاوي=نافلات القيل وعلوم الفضيله خايب المنطوق والتفكير خاوي=من ردي الهرج مخزونه حصيله ياحروفي حلقي مثل النداوي=في سما المعنى وجيبي لي جزيله اشهد ان البعد والفرقاء تداوي=يا لقلوب اللي بها حقد وغليله لن بعض الناس بالارض متساوي=لو وطوه الناس ماحسو نثيله خانه التعبير والمبدا شواوي= (النعيم )اليا ندبها تستوي له ايه يالحرف البديع اللي مخاوي=من شعاع القيل ولع للفتيله لالفاني هم نصف الليل ضاوي=وارتكز وسط المحاني في مخيله قاومه ياحرف واندب للعزاوي=لين فكري يستوي نظمه وقيله ماشكينا ولالنا فيها الشكاوي=يوم بعض الخلق ضايع مع دليله انسكتنا جرها عوج البلاوي=وان حكينا زاد طفح الهرج كيله والله ان الناس تبلى للخلاوي=لو عزل نفسه عن العالم تجيله مالقينا طب فيهم والمداوي=حار فكره واعترف ما فيه حيله غير بعدٍ ماطواله يوم طاوي=منه تبرا كل عله مستحيله |
اقتباس:
أنشهد ان البعد نعمه من الله عن نقالة النميمه ومن لايتبع دين الفضيلة لاخير فيه صح لسانك مدد بلااااااااااااااعدد بارك الله فيك وفي حرفك الراقي بالمعنى الرفيع تحياااااااااااتي وتقديري |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الشاعره القديره الكحيله
مدري وش اقول ,غير صح لسانك راسي عيا لايبث شي بالوقت الحالي صح لسانك مره اخرى ولاهنتي* |
شاعرتنا الفاضلة صح لسانك وبيض الله وجهك
قصيدة وافية من شاعرة متمكنة من أداوات شعرها لاهنتي |
اقتباس:
فيه شعر ٍ لالفاء مثل الفتاوي = يبرد اكبود ٍ من الدنيا عليله صح لسانك كحيلة حرب على هذه الدرة ولك بياض الوجه وفيه شعر ٍ لالفاء كله بلاوي = ماتميز في كثيره من قليله ياكحيلة حرب من عد ٍ رهاوي = في بيوت ٍ كلبوها سلسبيله درة ٍ ياقف لها ناقد وراوي = ومن بقلبه غل ٍ تزود غليله وعلى عجل اتت هذه الابيات رغم انها تستحق الكثير والكثير لما فيها من الجماليات واهنيك عليها لك اجمل تحيه |
يعطيك العافية كحيلة حرب على هذه القصيدة الراقية والممتعة من شاعرة متمكنة
دام عزك لك تقديري واحترامي |
يعطيك العافية على القصيدة الرائعة
|
اقتباس:
علييييك ياكحيلة حرب أنشهد ان البعد نعمه من الله عن نقالة النميمه وسود القلوب صح السانك وبيض الله وجهك |
اقتباس:
وهذا الحل المناسب اكيد |
الساعة الآن 07:48 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir