الأولـــه يالله لـــك الـحـمـد فـالـحــال=يــا واحــداًً بالحـمـد فضـلـك تـزيـده
أامنت بك يا حي وفي يدك الآجال=ياللي تسوي كل شيًً تريده
منك ارتجـي صبـرا وتحقيـق الآمـال=ومنك الفرج فـي كـل عسـرا شديـده
والثانـيـة طـالـبـك مـطـلـوب واســـال=لــلـــي يـمـيـنــه بـالـمـكــارم مـــديـــده
اكتب له التوفيق فـي كـل مـا جـال=واجـعـل حيـاتـه يــا ألاهـــي سـعـيـده
أبـو حسـن بالجـود مضـرب للمثـال=فـيـه الشهـامـه والـمـشـوره سـديــده
والمـدح مــا ينـقـال فــي كــل رجــال=وفي مـدح مثلـه مـا تسـد ألقصيـده
مــا هـمـتـه دنـيــا ولا هـمــه الـمــال=والـحـق مــن دونــه يـشـب الـوقـيـده
ثاقب نظر ومهندس لفعـل الإبطـال=ما هـو مهنـدس حـد سلـك وحديـده
يشهد له اللي شاف فعله ليا قـال=ويشـهـد الـلـي سـويــت لـــه مـكـيـده
يوم ألردي نفسه هقت فعل الأنذال=الـلــي بـفـعــل الـظـلــم زود رصــيــده
ناسي هذاك اليوم فالضيق لا مال=وفـرعـه هـيـال ودون رأســـه لـديــده
مـا ينفعـه فـي وقتهـا كــل مــا نــال=ومـا قـدمـت يمـنـاه تجـنـي حصـيـده
والتالـيـه بـعـداد مـــا سيـلـهـا ســـال=وإعــداد مــا يـخـضـر فـــن وجـريــده
علـى النبـي أزكــا الصـلـوات تنـقـال=شفيـعـنـا فــــي يــــوم كــــلً شـهـيــده