بدر الحبيبه يوم جاها هل الجود=فرحت بهم فرحت معزب بالاجواد
ما باقى الا تطلق الملح بارود=ونظم القوافى ينشده كل قصاد
بس المعزب بيننا صار محسود=كل المكارم حازها بس وش عاد
جمع الكرام اللى شياهين وافهود=وردت مطاياهم على عد ميراد
تسلم يا ابو ناشى كسب كل مقصود=نال الذكر ذكرا على عين الاشهاد
الحفل هذا من كثيرين مشهود=شباب ولا شاهده جد واولاد
وضيوفك الغالين جونا على اوعود=يا رب لا تخلف لهم كل ميعاد
فى ظل ابو متعب لنا برق وارعود=خيرا يجدد بالمكارم لنا جاد
جتنا مكارم ما عرفنا لها احدود=اسره كريمه شتت كل حساد
قامت شريعة رب واحد ومعبود=رغما على انف المعادى والاوغاد
راع الفتن دايم له السمع مسدود=وان زاد زدنا فيه من سم الاكباد
حتى اتشوفه بين الايدين مصيود=ارجالنا دايم للاشرار صياد
امقابل النعمه بنكران واجحود=لازم يجى له يوم ينصاد ويباد
يا سيدى صورتك فى كل عامود=واعلام رفرافه على ذيك الاعواد
باسمك يسمى كل قادم ومولود=عسى يجى واحد لهدين سداد
عهدا عليناقبل لتحط الالحود=يحرم على عين الامن طعم الارقاد
احنا قبائل حرب والكل منشود=دايم لكم وافين من عهد الاجداد
كل القبائل دونكم حرز واسدود=انخاه واتشوفه على قمة الماد
لك يا ابو متعب حب تاليه فى اصعود=اندق خشم اللى مغرر وفساد
احنا نحسب بس كفار وايهود=اثرى هناك اوغاد للشر عباد
بس ابشر ان الجيش شجعان واوسود=يبطش اذا باالامر تظليل واعناد
عهدك يشيل الجهل وايامه السود=انتم دفنتوها بوسط الثراء غاد
جبتوا لنا التعليم والعلم فى زود=راح الجهل سرنا على الوعظ وارشاد
شوف الوفاء ما بيننا صار ممدود=فى عهد ابو متعب على سابقه زاد
الامن صاحي صان صاحين واقود=شوف الحرم وش فيه من ناس عباد
هل بعد هذا العز من عز منشود=واحنا نعيش اليوم فى عز واعياد
يا رب زيد العز لعيال ابو سعود=وابلادنا ما ظن يشبه لها بلاد
اسره وكله فعلهم صار محمود=كسبوا محبة شعبهم فعل واعداد
وبدر الحبيبه يوم جاها هل الجود=فرحت بهم فرحت معزب بالاجواد