|
مجالسيه حربيه
يالله نبدابك فكل الاموري
كريم لعبادك ورب غفوري ادعيك تغفرلي بسري وجهوري يامجيب للدعوات نطلبك الاحسان __ والثانيه بذكر علوم القبيله علوم لافعال الرجال الاصيله وكلن حسب علمه يدون دليله لافعال مشهوده على مر الازمان __ واذكرقبيلة حرب والها تحيه قبيلتن فخر العرب والبريه حرابة الغاشم سهوم المنيه ربي يديم العز يانسل قحطان __ واذكر بني مسروح عسكر شبابه اهل المروه والوفا والمهابه تاريخهم واضح وكلن درابه وماندون التاريخ من غير برهان _ واذكر رجال زبيد قوم الحميه اهل المواقف والعزوم القويه ماجنبو وقت الليال القسيه ربعي على العليا كما طيور حوران _ واذكر قبيله علمها حيل معروف هاذي قبيلة عوف والنعم ياعوف ارجال حرابه ولا تعرف الخوف ومعدالها الطيب ضفى كل ميزان __ واذكرقبيله حازت الطيب والجود وفالباس والشده لها باع مشهود ذولا العمور اللي على قن وحدود مثل الجبل شامخ وراسي بسيسان __ واذكر بني سالم رجال اللوازم تاريخهم واضح كما نجم رازم مني تحيه يالرجال العوازم ياللي لكم فالطيب منزل وديوان __ ومنهم بني ميمون زبن المعنا لاضاقت الدنيا على اللي تجنا كم واحدن لجله صروحن تبنا ياللي تبا ميمون لاشك ربحان __ ومنهم مروح دونهم عالي السور ومنهو عاداها روح وعاد مدحور اما الكرم والطيب باين ومخبور وفالحق نلقاها ذرى كل ميدان __ واذكر قبيله جاتنا بالصحابه وجات بعلامه يوم ساع المهابه هاذي مزينه عزوه وعز لابه ربعن لم فالعز مصدر وعنوان __ وصلاة ربي عد نبت النواوير على النبي الهاشمي منبع الخير شفيع الامه يوم وقت المحاسير يالله لاتحرمنا شفاعه ورضوان ____ هذا وسلامتكم واتقبل نقدكم بكل صدر رحب وتقبلوا تحيتي |
¨°o.O ( ×××××××) O.o°¨
الله يـعـطـيـك الـعـافيـــــــــــة بيض الله وجهك |
الله يعافيك
وجهك الابيض اسعدني مرورك |
اقتباس:
|
صح بدنك يالكحيله
ومرورك الاروع |
الساعة الآن 05:02 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir