مبطي معلم قوم راغب علامه= ان البحر مايسبحه كل سباح
يوم اصتفق موجه وزاد التطامه= كسر مجاديف العرب وغرق ارواح
بين الخليج وبين ساحل تهامه=مده ماينبت فيه خوخٍ وتفاح
ياهل الجمل حطوا عليه المسامه= وتعلقوا بحبالها مثل الاشباح
اليا عتليتوا فوق قمة سنامه=يمكن تحصدون الجوايز والارباح
ترى الجوايز فوق ريع الندامه=حمر الخشوم وروسهن مثل الارماح
ياطيب رجالٍ يثمن كلامه= وافي عليه من الوفى تاج ووشاح
يفرض على كل الرجال أحترامه=دلوه ثقيله بين حادر ومياح
يفداه مزهافٍ تراقل عظامه= خفيف تلعب فيه صلفات الارياح
عن العدا دايم تصيبه رخامه= وعلى رفيقه كل الايام نباح

المشاركة الأصلية كتبت بواسطة مريع العييل (المشاركة 1200841) صح لسانك يابوتركي

المشاركة الأصلية كتبت بواسطة فهد مطلق السليمي (المشاركة 1200846) الله الله الله الله صح السانك يابو تركي وأعتلا شانك قصيده رائعه ذات معنى ومغزى أحتوت كل مقومات القصيدة الجزله ولانملك إلا نقول صح السان قايلها ملايين بارك الله فيك على هذا الحضور المميز ولك الود والتقدير